+
+
Shares

पार्टी संरचनामा व्यापक फेरबदल गर्दै रवि

अनलाइनखबर अनलाइनखबर
२०८१ चैत १८ गते १८:५०

१८ चैत, काठमाडौं । राष्ट्रिय स्वतन्त्र पार्टीका सभापति रवि लामिछानेले पार्टी संरचनामा व्यापक परिवर्तन गर्ने भएका छन् ।

पार्टी केन्द्रीय समिति बैठकमा धारणा राख्ने क्रममा सभापति लामिछानेले सङ्गठनमा भारी रूपमा फेरबदल र पुनर्संरचनामा जान चाहेको बताए । त्यसका लागि तयार रहन समेत पार्टी नेताहरूलाई रविले आग्रह गरेका छन् ।

‘सबैको लागि म सङ्गठनमा भारी रूपमा फेरबदल र पुनर्संरचनामा जान चाहन्छु,’ लामिछानेले पार्टी बैठकमा भनेका छन्, ‘यसको लागि सबैलाई तयार रहन भन्न चाहन्छु ।’

साथै, उनले अरु दलमा अवसर नपाएर मात्रै रास्वपामा आउने यो पार्टी नभएको बताउँदै लामिछानेले देश बनाउने अभियान भएको बताए ।

‘यो गठबन्धनले अब अर्को प्रहार गर्न सक्छ। तसर्थ अहिलेको पार्टी संरचना अझै सबल र सशक्त हुन आवश्यक छ,’ उनले भनेका छन् ।

लामिछानेले पूर्व निर्धारित समयमा नै महाधिवशेन गर्ने गरी तयारी गर्न निर्देशन समेत दिएका छन् । रास्वपाले आगामी बैशाखको तेस्रो साता पहिलो महाधिवेशन गर्ने गरी समय तोकेको थियो ।

पार्टी बैठकमा लामिछानेले भने, ‘मैले के गर्नुपर्छ भन्नुस्। १५ दिनभित्र के भएन र के गर्नुपर्छ भनेर लिखित रूपमा लेखेर ल्याउनुस्, म पार्टीको लागि २४ घण्टा खट्न, सयौँ किलोमिटर हिँड्न तयार छु ।’

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?