१८ चैत, काठमाडौं । काठमाडौंको तीनकुनेमा भएको राजावादी समूहको प्रदर्शनका कमाण्डर दुर्गा प्रसाईं समूहका थप दुई जना पक्राउ परेका छन् । पक्राउ पर्नेमा विष्णुजंग बस्नेत र सितादेवी राई रहेका छन् ।
बस्नेत प्रसाईंले नेतृत्व गरिरहेको राष्ट्र, राष्ट्रिय, धर्म संस्कृति र नागरिक बचाउ महाअभियानका सचिवालय सदस्य हुन् ।
राई पनि सोही टिममा बसेर काम गर्नेमध्येकी एक हुन् ।
बस्नेतलाई लतिपुरबाट र राईलाई नयाँ बानेश्वरबाट पक्राउ गरिएको प्रहरीले जनाएको छ ।
गत चैत १५ गते काठमाडौंको तीनकुनेमा भएको राजावादी समूहको प्रदर्शनमा अराजक गतिविधि गर्नेहरू पक्राउ पर्ने क्रम जारी छ ।
आजै प्रहरीले प्रसाईंका सहयोगी देवी संग्रौलालाई पनि पक्राउ गरेको थियो । सो क्रममा संग्रौलालाई प्रहरीले पक्राउ गरेको हो ।
यही प्रदर्शनमा पक्राउ परेका ४१ जनालाई म्याद थप गरेर अनुसन्धान अघि बढाइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4