१९ चैत, काठमाडौं । वीरगञ्जको विर्तास्थित बाल सुधारगृहका बालकहरूले मंगलबार दिउँसो नाराबाजी गरेका छन् ।
सेवा सुविधाको माग राखेर बाल सुधारगृहभित्रका बालकहरूले नाराबाजी गरेका हुन् ।
बाल सुधारगृहले सामान्य आधारभूत आवश्कयताहरू पनि उपलब्ध नगराएपछि विरोधस्वरूप उनीहरूले नाराबाजी गरेको पाइएको पर्साका एसपी गौतम मिश्रले अनलाइनखबरलाई जानकारी दिए ।
‘गर्मी अत्यधिक छ, पंखा छैन, पिउनेपानीको सुविधा राम्रो भएन । बत्तीका लागि वैकल्पिक व्यस्था गर्नुपर्यो लगायत माग राखेर उनीहरूले होहल्ला गरेका रहेछन् । यसबारे जानकारी पाउने वित्तिकै प्रमुख जिल्ला अधिकारी गणेश अर्यालसहित हामी सुधार गृह पुग्यौं,’ मिश्रले भने ।
असन्तुष्ट बालकहरूको माग सम्बोधन गर्ने विषयमा बाल सुधारगृह प्रशासनसँग छलफलपछि अवस्था सामान्य बनेको मिश्रले बताए ।
बाल सुधारगृह प्रशासनले बालकहरूको सामान्य आधारभूत आवश्यकताहरू पूरा गर्दै जाने र अन्य मागहरू पूरा गर्नका लागि आवश्यक बजेट प्रबन्धका लागि विभिन्न सरोकार पक्षसँग समन्वय गर्ने सहमति भएको उनले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4