१९ चैत, काठमाडौं । राप्रपाले सांसद दीपक बोहोराको निधनमा तीन दिन शोक मनाउने भएको छ ।
राप्रपा केन्द्रीय पदाधिकारीको मंगलबार बसेको आकस्मिक बैठकले बोहोराको निधनप्रति गहिरो दुःख व्यक्त गर्दै तीन दिन शोक मनाउने निर्णय गरेको पार्टीका प्रवक्ता मोहनकुमार श्रेष्ठले जानकारी दिए ।
राप्रपाका वरिष्ठ नेता समेत रहेका बोहोराको निधनबाट राप्रपा र नेपालको राष्ट्रवादी आन्दोलनलाई ठूलो क्षति पुगेको जारी विज्ञप्तिमा उल्लेख छ ।
बोहोराको निधनमा तीन दिन शोक मनाउने, शोक प्रकट गर्न तीन दिन पार्टीको केन्द्रीय कार्यालय, जिल्ला र कमिटीगत कार्यालयहरूमा पार्टीको झन्डा आधा झुकाउने, तीन दिन कुनै औपचारिक कार्यक्रम नगर्ने निर्णय बैठकले गरेको श्रेष्ठले जानकारी दिए ।
श्रेष्ठका अनुसार बोहोराको पार्थिव शरिरलाई अन्तिम श्रद्धाञ्जलीका लागि भोलि बुधबार दिउँसो २ बजेदेखि पार्टी केन्द्रीय कार्यालय चाबहिलमा राखिने छ भने बुधबार नै पशुपति आर्यघाटमा अन्तिम संस्कार गरिने छ ।
काठमाडौं चाबहिलस्थित ओम अस्पतालमा उपचारको क्रममा सांसद बोहोराको मंगलबार निधन भएको थियो ।
बोहोरा रुपन्देही क्षेत्र नम्बर-३ बाट प्रतिनिधिसभा सदस्यमा निर्वाचित भएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4