२०८१ चैत २० गते ८:२२ 
२० चैत, काठमाडौं । रियल मड्रिड स्पेनिस कोपा डेल रे फुटबलको फाइनलमा प्रवेश गरेको छ । गएराति रियलको घरेलु मैदानमा भएको दोस्रो लेगको खेलमा ४-४ को रोमाञ्चक बराबरीपछि समग्रमा ५-४ को जितसहित रियल फाइनलमा पुगेको हो ।
खेलको १६औं मिनेटमा सोसिडाडका आन्द्रे बारेनेचियाले गोल गर्दै पाहुना टोलीलाई अग्रता दिलाएका थिए। तर ब्राजिली युवा स्ट्राइकर एन्ड्रिकले ३०औं मिनेटमा उत्कृष्ट चिप गोल गर्दै खेल बराबरीमा ल्याए।
दोस्रो हाफ निकै रोमाञ्चक रह्यो जहाँ २१ मिनेटभित्र पाँच गोल भए। ७२औं मिनेटमा डेविड अलाबाको आत्मघाती गोलले सोसिडाडलाई फेरि अग्रता दिलायो। त्यसपछि मिकेल ओयार्जाबालले ८०औं मिनेटमा अर्को गोल गर्दै सोसिडाडलाई समग्र ३-२ को अग्रतामा पुर्याए ।
त्यसको दुई मिनेटमै जुड बेलिङहमले भली गोल गर्दै खेल बराबरीमा ल्याए। ८६औं मिनेटमा ओरिलियन चुआमेनीले हेडरमार्फत गोल गरेपछि ३-३ सहित समग्रमा रियल मड्रिड ४-३ को जित नजिक देखियो, तर इन्जुरी समयमा ओयार्जाबालले फेरि गोल गर्दै खेललाई अतिरिक्त समयमा धकेले।
अन्ततः ११५औं मिनेटमा एन्टोनियो रुडिगरले निर्णायक हेडर गोल गर्दै रियल मड्रिडलाई ५-४ को समग्र जित दिलाए।
अब रियल मड्रिडले कोपा डेल रे उपाधि जित्नको लागि बार्सिलोना वा एट्लेटिको मड्रिडसँग फाइनल खेल्नेछ।
प्रतिक्रिया 4