+
+
Shares

एकीकृत समाजवादी सुदूरपश्चिमको अध्यक्षमा खड्का

अनलाइनखबर अनलाइनखबर
२०८१ चैत २० गते १३:११

२० चैत, धनगढी । नेकपा एकीकृत समाजवादी सुदूरपश्चिम प्रदेशको अध्यक्षमा लालबहादुर खड्का चयन भएका छन् ।

पार्टीको प्रथम सुदूरपश्चिम प्रदेश अधिवेशनले खड्काको नेतृत्वमा सर्वसम्मत रूपमा नयाँ प्रदेश कमिटी चयन गरेको छ । खड्का सुदूरपश्चिम प्रदेशका पूर्व सामाजिक विकास मन्त्री समेत हुन् ।

उपाध्यक्षमा धनबहादुर बोहरा र शिवबहादुर कुँवर चयन भएका छन् । सचिवमा सुरेन्द्रमान कार्की, उपसचिवमा गणेश साउद, राधिका अवस्थी र गोरख सार्की चयन भएको एकीकृत समाजवादी पार्टीले जनाएको छ ।

नवनिर्वाचित अध्यक्ष खड्काले पार्टीको संगठन सुदृढीकरण र सुदूरपश्चिम प्रदेशको विकासका लागि सक्रिय रूपमा काम गर्ने प्रतिबद्धता व्यक्त गरेका छन् ।

१७ चैतमा एकीकृत समाजवादीका अध्यक्ष माधवकुमार नेपालले प्रदेश अधिवेशनको उद्घाटन गरेका थिए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?