काठमाडौं । बीवाईडीले आफ्नो डल्फिन मोडलको विद्युतीय गाडी मिस नेपाल आयोजक द हिडन ट्रेजरलाई प्रदान गरेको छ ।
मंगलबार बीवाईडीको शोरुममा मिस नेपाल आयोजक संस्थाका प्रमुख, निर्देशक र वर्तमान मिस नेपाल आस्माकुमारी केसीलाई गाडी हस्तान्तरण गरिएको थियो ।
गाडी हस्तान्तरणपछि मिस नेपाल केसीले आकर्षक फोटोसुट गराइन् । चारपाँग्रे साभेदार (फोर ह्विल पार्टनर)को रुपमा बीवाईडीले उक्त गाडी द हिडन ट्रेजरलाई प्रदान गरेको निर्देशक प्रमोद कंशाकारले बताए ।
सन् २०२५ को मिस नेपालको संस्करण आगामी बैशाखमा घोषणा गर्ने तयारी छ । द हिडन ट्रेजरले यतिबेला मुलुकको पहिलो फेसन डिजाइनरको प्रतियोगिता ‘डिजाइनर अफ द इयर’ आयोजना गरिरहेको छ ।
यो प्रतिस्पर्धामा उत्कृष्ट मोडल पनि छनोट गर्ने कार्यक्रम छ । छनोट हुने एकजना मोडलले मिस नेपालको आगामी प्रतिस्पर्धामा सहभागी हुने अवसर पाउने जनाइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4