+
+
Shares

बैंकिङ प्रणालीबाट थप ३० अर्ब खिच्दै राष्ट्र बैंक

केन्द्रीय बैंकले निक्षेप संकलन उपकरण प्रयोग गर्दै बैंकिङ प्रणालीबाट आज फेरि ३० अर्ब रुपैयाँ खिच्न लागेको हो ।

अनलाइनखबर अनलाइनखबर
२०८१ चैत २० गते १३:१९

२० चैत, काठमाडौं । नेपाल राष्ट्र बैंकले बुधबार पनि थप ३० अर्ब रुपैयाँ तरलता खिच्ने भएको छ ।

केन्द्रीय बैंकले निक्षेप संकलन उपकरण प्रयोग गर्दै बैंकिङ प्रणालीबाट आज फेरि ३० अर्ब रुपैयाँ खिच्न लागेको हो । यसका लागि बुधबार दिउँसो ३ बजे बोलकबोल हुनेछ ।

बैंकिङ प्रणालीमा अधिक तरलता थुप्रिएपछि राष्ट्र बैंकले लगातार निक्षेप संकलन उपकरण मार्फत पैसा खिचिरहेको छ ।

निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्ने केन्द्रीय बैंकले जाएको छ ।

राष्ट्र बैंकका अनुसार निक्षेप संकलन बोलकबोल ब्याजदरमा गर्नुपर्ने छ भने बहुब्याजदरमा पनि बहुबोलकबोल गर्न सकिने छ ।

निक्षेप संकलन उपकरणको बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउनेछन् ।

यो निक्षेप संकलन उपकरणको सावाँ तथा ब्याज भुक्तानी आगामी १० वैशाखमा गरिने राष्ट्र बैंकले जनाएको छ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?