+
+
Shares

कोशी पर्यटन वर्षको मस्कट हाब्रे, प्रधानमन्त्रीले उद्घाटन गर्ने

अनलाइनखबर अनलाइनखबर
२०८१ चैत २० गते २०:५५

२० चैत, विराटनगर। कोशी प्रदेशले मनाउने ‘कोशी पर्यटन वर्ष २०८२’ प्रधानमन्त्री केपी शर्मा ओलीले उद्घाटन गर्ने भएका छन् । पर्यटन वन तथा वातावरण मन्त्रालयका अनुसार तेह्रथुमको तिनजुरे क्षेत्रमा चैत २७ गते पर्यटन वर्ष २०८२ उद्घाटन हुनेछ ।

मन्त्रालयका सचिव विशाल घिमिरेका अनुसार पर्यटन वर्षको मस्कट कोशी प्रदेशको हिमाली क्षेत्रमा पाइने हाब्रेलाई बनाइएको छ ।

कोशीको गौरव हिमालको सान, पर्यटन वर्षमा सबैलाई सम्मान’ नारा तय भएको पर्यटन वर्षको लोगोमा कोशी टप्पुमामात्र पाइने अर्ना, सगरमाथा, पहाड, तराई, कोशी नदी र सुन्दर प्राकृतिक सम्पदा र राष्ट्रिय झण्डा राखिएको छ। लोगो र मस्कट बुधबार पर्यटन, वन तथा वातावरण मन्त्री सदानन्द मण्डलले सार्वजनिक गरे ।

पर्यटन वर्षका लागि सरकारले चालु आर्थिक वर्ष २०८१/८२मा १० करोड रुपैयाँ बजेट विनियोजन गरेको छ ।

कोशी प्रदेशको प्रमुख धार्मिक पर्यटकीय क्षेत्र वराह क्षेत्र, हलेसी, पाथीभरा र रामधुनीको विषेश प्रवर्धन गर्ने तयारी छ । पर्यटन वर्षका लागि भारतसँगको चारमुख्य नाकामा पर्यटन सूचना केन्द्र स्थापना गर्ने तयारी छ ।

कोशी प्रदेशमा प्रमुख पर्यटकीय गन्तव्य १४ वटा छन् । नयाँ विकास गर्नुपर्ने पर्यटकीय क्षेत्र १६ वटा छन् । पर्यटन वर्षका आउने पर्यटकलाई सेवा दिन प्रदेशमा तारे स्तरका होटल १२ वटा, पर्यटकीयस्तरका होटल ३६ वटा छन् । अन्य साना होटल तथा होमस्टेहरु छन् ।

कोशी प्रदेशमा जम्मा १०५ वटा होमस्टे रहेको मन्त्रालयले तथ्याङ्क छ । ७१ वटा ट्राभल तथा ट्रेकिङ एजेन्सी, ८७ जना ट्रेकिङ गाइड, २८९ जना टुरगाइड छन् । ४ स्थानमा र्‍याफ्टिङ पनि पर्यटन वर्षमा प्रवर्धन गरिने मन्त्रालयले जनाएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?