२१ चैत, काठमाडौं । राजावादी आन्दोलनबाट पक्राउ परेका राष्ट्रिय स्वतन्त्र पार्टी (रास्वपा) का पूर्वनेता डा. राजकुमार राईविरुद्ध थप ६ दिन हिरासतमा रहने भएका छन् ।
१५ चैतमा तीनकुनेमा भएको आन्दोदनमा पक्राउ परेका उनलाई दोस्रो पटक म्याद थपका लागि काठमाडौं जिल्ला अदालत उपस्थित गराइएको थियो ।
राईसहित ४१ जनाविरुद्ध बुधबार मात्रै दोस्रो पटक ६ दिनको म्याद थप भएको हो । यसअघि ४१ जनाविरुद्ध ५ दिनको म्याद थप भएको थियो ।
अहिले हिरासतमा रहेका रास्वपाका पूर्वनेता राई खोटाङ जिल्ला सभापतिमा उठेर हारेका व्यक्ति हुन् । उनी अहिले भने पार्टीमा निष्क्रिय रहेको रास्वपाका कार्यवाहक महामन्त्री कविन्द्र बुर्लाकोटीले बताए ।
‘उनी जिल्ला सभापतिमा उठेर हारेका थिए । एकदमै न्यून मत ल्याएका थिए । त्यसपछि पार्टीमा निष्क्रिय थिए,’ बुर्लाकोटीले अनलाइनखबरसँग भने ।
राईलाई हराउँदै मुकुन्द कृष्ण थापा खोटाङ सभापतिमा विजयी भएका थिए । अहिले हिरासतमा रहेका राईविरुद्ध आपराधिक उपद्रव र संगठित अपराधको कसुरमा अनुसन्धान भइरहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4