+
+
Shares
फिल्म :

‘कर्मा’को ट्रेलरमा सिस्टमविरुद्ध लडेका विपिन, यस्तो छ ‘एन्टीहिरो’ अवतार

‘नाका’मा एक्सन रोलमा देखिएको ७ वर्षपछि अभिनेता कार्की एक्सन फिल्ममा फर्किएका हुन् । एक्सन कोरियोग्राफी, द्रुत सम्पादन र छायांकन स्टाइलले ट्रेलरलाई आकर्षक तुल्याएको छ ।

अनलाइनखबर अनलाइनखबर
२०८१ चैत २१ गते २०:०१

काठमाडौं । विपिन कार्की स्टारर ‘एन्टीहिरो एक्सन’ फिल्म ‘कर्मा’को ट्रेलर युट्युबमा सार्वजनिक भएको छ । ३ मिनेट लामो ट्रेलरले कथावस्तु र चरित्र चित्रणबारे महत्वपूर्ण प्रकाश पार्छ ।

‘नाका’मा एक्सन रोलमा देखिएको ७ वर्षपछि अभिनेता कार्की एक्सन फिल्ममा फर्किएका हुन् । एक्सन कोरियोग्राफी, द्रुत सम्पादन र छायांकन स्टाइलले ट्रेलरलाई आकर्षक तुल्याएको छ ।

फिल्मका शीर्ष कलाकार विपिनसहित उपासनासिंह ठकुरी, मुकुन भुसाल, दिब्यदेव पन्त लगायतलाई ट्रेलरमा देखाइएको छ । विपिनलाई एन्टीहिरो रुपमा प्रस्तुत गरिएको छ । आफूलाई व्यवस्थाले अपराधी बनाएको भन्दै विपिनको पात्र प्रणालीविरुद्ध आक्रोशित देखिन्छ ।

मुकुन लिड एन्टागोनिस्ट चरित्रमा छन् । उपासनालाई विपिनकी ‘लभ इन्ट्रेस्ट’को रुपमा देखाइएको छ । दिब्यदेव प्रहरी अफिसको चरित्रमा छन् । सरिता गिरी विपिनकी आमाको भूमिकामा छिन् । मुख्यतः फिल्मको कथा यी ४ पात्र वरपर घुम्छ । अपराध, तस्करी, प्रहरी र बदलाको नेक्सस वरपर कथा घुमेको छ ।

निर्देशक सौरभ चौधरीको अघिल्लो पुलिस ड्रामा ‘अगस्त्य’ले मानव बेचबिखनलाई रोक्न प्रहरीले चालेको अप्रेसनको कथा भनेको थियो । उनले ‘लभ डायरिज’बाट निर्देशनमा डेब्यु गरेका थिए ।

‘अगस्त्य’जस्तै मुड, रङ र युनिभर्समा चौधरीले ‘कर्मा’लाई खिच्ने प्रयत्न गरेका छन् । सुशान्त केसीको ‘पागल गीत’ले ट्रेलरलाई आकर्षक तुल्याउँदा ओएसटी पनि कर्णप्रिय छ ।

तपाईंलाई एक्सन फिल्ममा रुचि छ भने ‘कर्मा’ दर्शनीय हुनसक्छ । वसन्त लम्सालको लगानी रहेको फिल्मलाई आर्टिस्टिक इन्टरटेनमेन्टको ब्यानरमा निर्माण गरिएको हो । ‘कर्मा’ २९ चैतमा प्रदर्शन तयारीमा छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?