+

आईपीएल क्रिकेटमा आज दुई खेल हुँदै

२०८१ चैत  २३ गते ७:३६ २०८१ चैत २३ गते ७:३६
आईपीएल क्रिकेटमा आज दुई खेल हुँदै

२३ चैत, काठमाडौं । भारतमा जारी इन्डियन प्रिमियर लिग आईपीएल क्रिकेटमा आज दुई खेल हुँदैछन् । आज दिउँसो र बेलुका गरी २ खेलहरू हुनेछन् ।

पहिलो खेलमा अपरान्ह पौने ४ बजेदेखि चेन्नई सुपर किङ्स र दिल्ली क्यापिटल्स खेल्ने छन् । खेल चेन्नईस्थित एमए चिदाबरम स्टेडियममा हुनेछ ।

चेन्नई लगातार दोस्रो हारपछि घरेलु मैदानमा फर्किएर जित निकाल्दै लय समात्ने लक्ष्यमा हुनेछ । त्यस्तै दिल्ली क्यापिटल्स भने आफ्नो अपराजित यात्रा कायमै राख्न चाहनेछ ।

त्यस्तै आजको दोस्रो खेलमा अर्को अपराजित टोली पञ्जाब किङ्स र राजस्थान रोयल्सबीच प्रतिस्पर्धा हुनेछ । पञ्जाबको घरेलु मैदान मुल्लानपुरमा उक्त खेल बेलुका पौने ८ बजे सुरु हुनेछ ।

घरेलु मैदानमा पहिलो खेल खेल्न लागेको पञ्जाब अपराजित यात्रा कायमै राख्न चाहनेछ भने सुरुवाती दुई हारपछि जित निकालेको राजस्थान त्यही लय निरन्तरता दिन चाहनेछ ।

अंकतालिकामा हाल पञ्जाब किङ्स शीर्षस्थानमा छ भने दिल्ली क्यापिटल्स दोस्रोमा रहँदा चेन्नई सुपर किङ्स आठौं र राजस्थान नवौं स्थानमा छन् ।

आईपीएल क्रिकेट
लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय