२०८१ चैत २३ गते १०:०७ 
२३ चैत, काठमाडौं । नेपाल सुपर लिग (एनएसएल) २०२५ मा आज सुपर स्याटरडे दुई खेल हुँदैछ । तेस्रो सिजनमा पहिलो पटक एकै दिन दुई खेल हुन लागेको हो ।
जसमा पोखरा थण्डर्सले काठमाडौं रेजर्सको सामान गर्नेछ भने ललितपुर र धनगढीबीच प्रतिस्पर्धा हुनेछ ।
सुपर स्याटरडेमा आज दुवै खेल प्रतिस्पर्धात्मक हुनेछ अपेक्षा छ । किनभने दुई पूर्व विजेता र दुई पटकको उपविजेता आजै मैदान उत्रँदैछन् ।
काठमाडौं र ललितपुर पूर्व विजेता हो भने धनगढी दुई पटकको उपविजेता हो ।
पोखरा र काठमाडौंबीचको खेल दिउँसो साढे दुई बजे त्रिपुरेश्वरस्थित दशरथ रंगशालमा सुरु हुनेछ ।
काठमाडौं र पोखरा दुवै आफ्नो तेस्रो खेल खेल्दैछन् । दुई खेलमा दुवैले जित निकाल्न सकेका छैनन् । पोखरा यसअघिका दुवै खेलमा पराजित हुँदा अकविहीन छ । काठमाडौंले भने दुवै खेल बराबरी खेल्दै २ अंक जोडेको छ । त्यसैले दुवै टोली पहिलो जितको खोजीमा छ ।
काठमाडौंलै पहिलो खेलमा ललितपुर सिटीसँग २-२ को बराबरी खेल्दा दोस्रो खेलमा झापा एफसीसँग गोलरहित बराबरी खेलेको थियो । उता पोखरा पहिलो खेलमा एफसी चितवनसँग २-० ले पराजित भएको थियो भने दोस्रो खेलमा ललितपुर सिटीसँग ३-२ ले पराजित भएको थियो ।
यस्तै धनगढी र ललितपुर बीचको खेल दशरथ रंगशालमा साँझ ६ बजे सुरु हुनेछ । ललितपुर तेस्रो र धनगढी दोस्रो खेल खेल्दैछ । दुवै टोली लगातार जित निकाल्ने लक्ष्यमा छन् । ललितपुर दुई खेलबा६ ४ अंकसहित दोस्रो स्थानमा र धनगढी एक खेलबाट ३ अंकसहित तेस्रो स्थानमा छ ।
दुवैलाई शीर्ष स्थानमा पुग्ने अवसर समेत छ ।
काठमाडौसँग पहिलो खेल बराबरी खेलेको ललितपुरले दोस्रो खेलमा पोखरामाथि ३-२ को कठिन जित निकालेको थियो । उता साविक उपविजेता धनगढीले भने पहिलो खेलमा बुटवल लुम्बिनीमाथि ४-१ को जितसहित सानदार सुरुवात गरेको छ ।
प्रतिक्रिया 4