+
+
Shares

अनावश्यक विज्ञापनबाट मुक्तिका लागि फेसबुकमा नयाँ फिचर

सबैभन्दा महत्वपूर्ण कुरा के भने यो फिचर आएसँगै फेसबुक प्रयोगकर्ताले निकै कममात्रै विज्ञापन हेर्नुपर्नेछ ।

अनलाइनखबर अनलाइनखबर
२०८१ चैत २३ गते १९:११
Photo Credit : Pixabay

२३ चैत, काठमाडौं । सोसल मिडिया प्लाटफर्म फेसबुकले फ्रेन्ड्स ट्याब नामको एक नयाँ फिचर ल्याएको छ । यसमा केवल साथीहरुको पोस्ट, स्टोरीज, रील्स, जन्मदिनको जानकारी तथा फ्रेण्ड रिक्वेस्ट मात्र देखिनेछ ।

यो नयाँ फिचरले इन्स्टाग्रामको फलोविङ तथा क्लोज फ्रेन्ड्स फीडले जस्तै काम गर्नेछ । यसमा कुनैपनि रिकमेन्डेड पोस्ट देखिने छैनन् । सबैभन्दा महत्वपूर्ण कुरा के भने यो फिचर आएसँगै फेसबुक प्रयोगकर्ताले निकै कममात्रै विज्ञापन हेर्नुपर्नेछ ।

मेटाका अनुसार यो नयाँ ट्याब सबैभन्दा पहिले अमेरिका र क्यानडामा लन्च गरिएको छ । अन्य देशमा चाहीँ यो कहिलेसम्म उपलब्ध गराउने भन्ने विषयमा मेटाले प्रष्ट पारेको छैन ।

फ्रेन्ड्स ट्याबमा के देखिन्छ ?

  • केवल ती मानिसहरूको मात्रै पोस्ट देखिनछ, जो तपाइँको फेसबुकमा साथी छन् ।
  • रील्स, स्टोरिज तथा जन्मदिनको रिमाइन्डर पनि उक्त फीडमा सामेल हुनेछन् ।
  • कुनैपनि रिकमेन्डेड पोस्टहरु देखिने छैनन् ।
  • फ्रेण्ड रिक्वेस्ट तथा पिपल यू मे नो खण्ड अब अलग हुनेछ ।

पहिले यो ट्याब केवल फ्रेण्ड रिक्वेस्ट तथा रिकमेन्डेड कनेक्सन देखाउनका लागि प्रयोग हुन्थ्यो । तर अब यसमा फीडको एक नयाँ ठाडो स्क्रलिंग इन्टरफेस हुनेछ । यसबाट प्रयोगकर्ताहरुले केवल आफ्ना साथीहरुको पोस्ट मात्रै देख्न सक्नेछन् ।

के यो फिचर इन्स्टाग्रामको जस्तै हुन्छ ?

हो, मेटाले यसअघि इन्स्टाग्राममा फलोविङ तथा क्लोज फ्रेन्ड्स नामक फिचर्स लन्च गरेको थियो । यसबाट प्रयोगकर्ताहरुले केवल ती मानिसहरुको पोस्ट देख्नसक्छन् जसलाई उनीहरुले फलो गर्दछन् वा जो उनीहरुको निकट मित्र हुन् ।

फेसबुकको नयाँ फ्रेण्ड्स् ट्याब पनि यहीँ प्रकारको एउटा फिचर हो । मेटाले अहिलेसम्म यो नयाँ फीडमा पोस्टहरुलाई समय अनुसार देखाउने कि एल्गोरिदम अनुसार देखाउने भन्ने बारेमा चाहीँ प्रष्ट पारेको छैन । एजेन्सी

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?