२०८१ चैत २३ गते २१:५५ 
२३ चैत, इटहरी । दोस्रो इटहरी मेयर कप अन्तरपालिका स्तरीय क्रिकेट प्रतियोगितामा शनिवार भोक्रा नर्सिङ गाउँपालिका र दमक नगरपालिका विजयी भएका छन् ।
पहिलो खेलमा भोक्रा नर्सिङ गाउँपालिकाले धरान उपमहानगरपालिकालाई ३१ रनले पराजित गर्यो । भोक्रा नर्सिङ गाउँपालिकाले १६ ओभरको खेलमा ४ विकेट गुमाएर १३२ रन बनाएको थियो । भोक्रा नर्सिङका लागि अविशेक शर्माले १८ बलमा ३८ रन बनाए भने अफन ताहिरले १७, रोशन क्षेत्रीले १६, सागर मलिक र सिबन यादवले समान १९ रन बनाए ।
धरानको तर्फबाट बलिङमा सन्यम शाह र कृष्ण यादवले १ -१ विकेट लिए ।
१३३ रनको लक्ष्य पछ्याएको धरान उपमहानगरपालिकाको लागि प्रकाश शाहले ३०, दानिश चौधरीले २५, अभिनाश यादवले १७ रन जोडे ।
बलिङमा भोका गाउँपालिकाको लागि सौगात भट्टराईले ४ विकेट लिए । यस्तै दिपेन कामतले ३ तथा सिवान यादव र ज्ञानेन्द्र यादवले १-१ विकेट लिए । सौगात भट्टराई प्लेअर अफ दि म्याच घोषित भए ।
यस्तै दोस्रो खेलमा दमक नगरपालिकाले इटहरी उपमहानगरपालिका निलो टिमलाई २ रनले हरायो । दमकले टस जितेर पहिले ब्याटिङ गर्दै २० ओभरमा ८ विकेट गुमाएर १२५ रन बनाएको थियो । दमकका लागि सन्तोष सिंहले ४४ बलमा ३९ रन बनाए । दिब्यमदिब्यम अधिकारी र आर्ञ सुनुवारले समान १३ तथा भुपाल दङालले १२ रन बनए ।
बलिङमा इटहरी निलोका कबिराज घिमिरे एक्लैले ५ विकेट लिए । बलराम मन्डल, रिजन पान्डे र आदित्य चौधरीले १-१ विकेट लिए ।
१२६ रनको लक्ष्य पछ्याएको इटहरी निलोले १२३ रन मात्र बनाउन सक्यो । इटलरी निकोका लागि रिजन पाण्डेले अविजित रहँदै ३० बलमा ३९ रन बनाएपनि आफ्नो टिमलाई जित दिलाउन सकेनन् । यस्तै उमेश शाहले २०, कबिराज घिमिरेले २०, आकाश सराफले ११ रन बनाए ।
बलिङतर्फ दमकका लागि भुपाल दङाल र प्रदिप पाठकले २-२ विकेट लिए । छबिलाल खड्का र दिब्यम अधिकारिले समान १ विकेट लिए ।
अलराउण्ड प्रदर्शन गरेका इटहरी निलोका कबिराज घिमिरे प्लेअर अफ दि म्याच घोषित भए ।
प्रतिक्रिया 4