२४ चैत, काठमाडौं । नेपाली कांग्रेसले भारतीय नेताहरु आमन्त्रण गरेर विचार गोष्ठी गर्न लागेको छ । गणेशमान सिंह फाउण्डेसनले २५ चैत (भोलि) गर्न लागेको कार्यक्रममा लागि तीन जना भारतीय नेता शनिबार काठमाडौं आइसकेका छन् ।
नेपाल–भारत सम्बन्ध सुदृढ गर्न भारतका पूर्वप्रधानमन्त्री चन्द्रशेखरजीले पुर्याउनु भएको योगदान’ विषयमा विचार गोष्ठी गर्न लागिएको हो ।
कांग्रेस सभाापति शेरबहादुर देउवाको प्रमुख आतिथ्यतामा हुने कार्यक्रममा सहभागी हुन भारतीय जनता पार्टीका नेता भगतसिंह कोशियारी आइतबार काठमाडौं आउने भएका छन् ।
बहुजन समाज पार्टीका नेता सुधिन्द्र भदोरिया शनिबार काठमाडौं आइसकेका छन् । भारतीय नेताहरु आमन्त्रण गरेर हुने कार्यक्रमको संयोजन पार्टी प्रवक्ता डा.प्रकाशशरण महतले गरेका छन् ।
कांग्रेसका संस्थापक नेता गणेशमान सिंहको निवास चाक्सीवारीमा २०४६ को आन्दोलन अघि सम्मेलन हुँदा भारतका पूर्व प्रधानमन्त्री चन्द्रशेखर आमन्त्रित थिए ।
चन्द्रशेखर सहभागी भएको कांग्रेसको सम्मेलनले गणेशमानलाई संयुक्त जनआन्दोलनको कमाण्डर घोषणा गरेको थियो । इतिहासको त्यही सन्दर्भ स्मरण गर्दै कांग्रेसले विचार गोष्ठी राखेको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4