२०८१ चैत २५ गते १९:२८ 
२५ चैत, काठमाडौं । भारतमा भएको साबा क्लब च्याम्पियन्सिप बास्केटबलमा नेपालको टाइम्स बास्केटबल क्लब तेस्रो भएको छ ।
भारतको चेन्नाईस्थित जवाहरलाल नेहरु इन्डोर स्टेडियममा भएको आफ्नो चौथो खेलमा टाइन्सले भुटानको थिम्पु म्याजिक्सलाई ८७-५९ को स्कोरमा सहजै हराएको हो ।
च्याम्पियनसिपमा दोस्रो जितपछि नेपालको टाइम्सले तेस्रो स्थान हात पारेको बास्केटबल फेडेरेसन अफ इन्डियाले जनाएको छ ।
प्रतियोगितामा सुरुमा बंगलादेशबाहेक दक्षिण एसियाका ६ राष्ट्रका च्याम्पियन क्लबले सहभागिता जनाउने भनिएको थियो । तर अन्तिम समयमा पाकिस्तानको टिम नआएपछि पाँच देशका क्लबहरुले मात्र प्रतिस्पर्धा गरेको थियो । त्यसमा नेपालको टाइम्स क्लबले दुई टिमलाई हराउँदै तेस्रो हुन सफल भएको हो ।
यसअघि टाइम्स क्लब पहिलो खेलमा श्रीलंकाको कोलोम्बो बास्केटबल क्लबसँग ७१-६६ ले पराजित भएको थियो भने दोस्रो खेलमा टाइम्सले माल्दिभ्सको रेक्स बास्केटबल क्लबलाई ६७-५९ को स्कोरमा पराजित गरेको थियो । यस्तै तेस्रो खेलमा टाइम्स घरेलु टोली तामिलनाडु बास्केटबल संघसँग ११८-४४ ले पराजित भएको थियो ।
तस्बिर: बास्केटबल फेडेरेसन अफ इन्डिया
प्रतिक्रिया 4