२६ चैत, काठमाडौं । उपप्रधानमन्त्री एवं अर्थमन्त्री विष्णुप्रसाद पौडेलले मन्त्रिपरिषद्बाट वैकल्पिक विकास वृत्तसँग सम्बन्धित विधेयक पारित भएको जानकारी दिएका छन् ।
सोमबार साँझ सिंहदरबारमा बसेको मन्त्रिपरिषद् बैठकले वैकल्पिक विकास वृत्तसँग सम्बन्धित विधेयक पारित गरेको उनले बताएका हुन् ।
मंगलाबार काठमाडौंमा आयोजित एक कार्यक्रममा बोल्दै अर्थमन्त्री पौडेलले सार्वजनिक पूर्वाधार निर्माणमा समेत देश र विदेशको निजी क्षेत्रलाई आकर्षित गर्न सरकारले हालै मात्र वैकल्पिक विकास वृत्तसँग सम्बन्धित एउटा विधेयक तयार पारेको बताए ।
अर्थमन्त्री पौडेलका अनुसार सरकारले छिटै उक्त विधेयक संसद्मा प्रस्तुत गर्नेछ । विधेयक संसद्बाट छिटोभन्दा छिटो पारित होस् भन्ने सरकारको चाहना रहेको उनको भनाइ छ ।
विधेयक पारित भएसँगै स्वदेशी तथा विदेशी लगानीकर्तालाई सार्वजनिक पूर्वाधरमा लगानीका लागि आकर्षित गर्न सकिने उनले बताए ।
विधेयकले पूर्वाधार विकासमा रहेको स्रोत व्यवस्थापनको चुनौतीलाई समेत समाधान गर्न सहज हुने बताए ।
उनले सरकारले सरकारी कोषमा निर्भर भएर मात्रै सार्वजनिक पूर्वाधार विकासमा स्रोत व्यवस्थापनको आवश्यकता पूरा गर्न नसक्ने बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4