बेकारमा चल्यो युद्धको बतास
हावादारी त्यो बतासलाई मेरो एउटा प्रश्न
मान्छे नै मार्नुपर्ने कारण के थियो खास ?
हेर त, क्षणभरमै सपनाहरू भइगए लास
मान्छेले मान्छेकै हरेर सास
देखाऊ मलाई दुनियाँमा को भएको छ पास ?
बेक्कारमा भयो कति कति सर्वनाश
ए हावादारी बतास !
मान्छे नै मार्नुपर्ने कारण के थियो खास ?
खोसियो कतिको गाँस, बास र कपास
अस्पताल र स्कुलसमेत भए विनाश
के पो जन्मायौ रे तिमीले—
शस्त्रसित गरेर सहवास
ए हावादारी बतास !
मान्छे नै मार्नुपर्ने कारण के थियो खास ?
ए बतास !
यो के गरेको तिमीले बकवास
मञ्जरीहरूमा सजाएर उदास
तन्नेरीहरूमा भरेर निराश
पातहरूलाई बनाएर हतास
फूलहरूलाई तुल्याएर दास
भन साँच्चै, छौ के तिमी दंगदास ?
ए बतास !
मान्छे नै मार्नुपर्ने कारण के थियो खास ?
चढ्न आफू सिँढी
उचाल्न आफ्ना पिँढी
भर्न आफ्नो बाकस
रंग्याउन आफ्नो आसपास
बनाउनैपर्थ्यो त तिमीले मान्छेलाई नै बाकस ?
ए बतास !
देखाऊ मलाई दुनियाँमा
तिमीभन्दा अर्काे बदमास
विन्ती, यस्तो खेल नखेल न ल
जहाँ कोही हुँदै त हुन्न पास
ए बतास !
मान्छे नै मार्नुपर्ने कारण के थियो खास ?
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4