काठमाडौं । २०८१ सालमा अभिनेता दयाहाङ राईका ८ फिल्म रिलिज भए । बक्सअफिसको प्राविधिक कारणले ‘पिताम्बर’ यसवर्ष गणना हुनेछैन । एउटै कलाकारका यति धेरै फिल्म एकैवर्षमा प्रदर्शनमा आएका हुन् ।
प्रदर्शनमा आएकामध्ये ४ फिल्म व्यवसायिकरुपमा सफल रहे भने ३ फिल्म असफल । चलचित्र विकास बोर्डको बक्सअफिस डेटाअनुसार प्रदर्शनमा आएकामध्ये ‘अञ्जिला’ सर्वाधिक कमाउने दयाहाङको फिल्म बन्यो ।
यो फिल्म यसवर्ष धेरै कमाइ गर्ने शीर्ष १० सूचीको ५ औं स्थानमा छ । यो फिल्मको कमाइ ७ करोड ५० लाख रुपैयाँ ग्रस छ । ‘घरज्वाइँ’ दोस्रो धेरै कमाउने फिल्म बन्यो जसको कूल कलेक्सन ५ करोड ९ लाख छ ।
‘मनसरा’ ४ करोड ७८ लाख रुपैयाँसहित दयाहाङको धेरै कमाउने तेस्रो फिल्म बन्यो ।
व्यवसायिक कोणबाट दयाहाङ अभिनित ३ फिल्म घरेलु बक्सअफिसमा असफल रहे । जसमा कार्साङ (१ करोड ४८ लाख), ‘दुखी आत्मा’ (७१ लाख २६ हजार) र ‘राजागञ्ज’ (१६ लाख २१ हजार) छन् ।
‘पिताम्बर’ पनि यसवर्ष रिलिज हुने दयाहाङको पछिल्लो फिल्म हो तर यसको कलेक्सन गणना आगामी वर्ष हुनेछ । दयाहाङ शीर्ष भूमिका हुने फिल्म ‘कबड्डी ५’ र ‘जारी २’ आगामी वर्ष निर्माण हुने फिल्ममध्ये पर्छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4