२९ चैत, काठमाडौं । गृहमन्त्री रमेश लेखकले तीनकुने प्रदर्शनका मुख्य कमाण्डर दुर्गा प्रसाईं पक्राउ परेकोबारे संसदीय समितिलाई जानकारी गराएका छन् ।
शुक्रबार बसेको कानुन, न्याय तथा संसदीय समितिको बैठकमा उक्त घटनाबारे ब्रिफिङ गर्ने क्रममा उनले यस्तो बताएका हुन् ।
‘हो दुर्गा प्रसाईंजी पक्राउ पर्नुभएको छ । उहाँ पक्राउ पर्नुभएको छ । र अनुसन्धान जारी छ,’ उनले भने ।
गृहमन्त्री लेखकले सो घटनामा अरु पनि पक्राउ पर्ने क्रम अघि जानसक्ने बताए ।
‘पक्राउ पर्ने क्रम पनि निरन्तर अघि जानसक्छ । कोको मान्छेको भूमिका देखिन्छ, त्यही ढंगले अनुसन्धान हुन्छ । कानुनी कारबाही हुन्छ,’ गृहमन्त्री लेखकले भने ।
उनले लोकतान्त्रिक व्यवस्थामा आगो लगाएर निरंकुशताको खोजीलाई जुनसुकै शब्द र भाषाले पनि अगाडि बढ्ने कुरा उचित नहुने ब्रिफिङका क्रममा भनेका छन् ।
प्रसाईंलाई बिहीबार राति भारतबाट नियन्त्रणमा लिएर झापा हुँदै अहिले काठमाडौं ल्याइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4