३० चैत,बुटवल । बुटवल–दोभान (पाल्पा) सडक खण्डमा कारमाथि ढंगा खस्दा एकजना घाइते भएका छन् ।
बुटवलबाट पाल्पातर्फ जाँदै गरेको लुम्बिनी प्रदेश ज ०२७६ नम्बरको कार माथि ढुंगा खस्दा कारमा सवार गणेश गैरे घाइते भएका हुन् ।
तिनाउ गाउँपालिका(३ रामापिथेकस पार्कनिर चट्टाने भीरबाट खसेको ढुंगा कारको माथिल्लो भाग छेडेर भित्र पसेको दोभान प्रहरी चौकीले जनाएको छ ।
घाइतेको अवस्था सामान्य भए पनि कारमा भने क्षति पुगेको प्रहरीको भनाइ छ । उक्त कार पाल्पाको भैरवस्थानतर्फ जाँदै गरेको थियो ।
दुर्घटनास्थल सिद्धबाबा सुरुङमार्गभन्दा केही मिटर पूर्व माथिल्लो र तल्लो सिद्धबाबा मन्दिरको बीचको दुर्घटना जोखिमपूर्ण खण्डमा पर्छ । यो भागमा पनि सुरुङमार्ग बन्नुपर्ने धेरैको माग थियो । तर, माथिल्लो सिद्धबाबा मन्दिर भत्काउनुपर्ने भएकाले जोखिमयुक्त क्षेत्रमा सुरुङ मार्ग बन्न नसकेको हो । सुरुङमार्ग माथिल्लो सिद्धबाबा मन्दिरबाट बन्दैछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4