३१ चैत, काठमाडौं। काठमाडौं महानगरपालिका–३२ मनहरा जडिबुटी टाउनप्लानिङबाट ६० लाख रुपैयाँ लुटिएको प्रकरणमा पक्राउ परेका १८ जनाविरुद्ध म्याद थप भएको छ ।
काठमाडौं जिल्ला अदालतबाट १८ जनाविरुद्ध ७ दिनको म्याद लिएर प्रहरीले अनुसन्धान अघि बढाएको हो । पक्राउ परेका मध्ये २ जनाको भने लुटपाटमा संलग्नता नदेखिएको भन्दै छाडिएको छ ।
२७ चैतको राति करिब ९ बजेतिर जग्गा बैना गर्न भन्दै बोलाएर रितेश लामाको ६० लाख रुपैयाँ लुटिएको थियो ।
बौद्ध बस्दै आएका ४२ वर्षीय लामाले कारमा दुई वटा झोलामा राखेर ६० लाख रुपैयाँ लिएर गएको बताएका थिए ।
म्याद थप हुनेहरुमा काठमाडौं लोलाङका २३ वर्षीय राज पराजुली, रामेछापका २३ वर्षीय प्रभास केसी भन्ने हरिराम खत्री, २० वर्षीय राजेश भण्डारी, २८ वर्षीय सार्की माझी, उत्तम मगर, राजु मगर, टिकाबहादुर मगर, रमेश बहादुर मगर, लबबहादुर मगर, रुपक थापा मगर, सागर मगर छन् ।
त्यसैगरी काठमाडौं लोलाङका सुयोज लामा, सोलुखुम्बुका कुशल बस्नेत, काभ्रेका रन्जित लामा, काभ्रेकै दावा लामा, काभ्रेका बाबु तामाङ, सुजन लामा, सिन्धुपाल्चोकका रिबेल कुमार तामाङ छन् ।
उनीहरुबाट लुटिएको ३० लाख १ हजार र २ थान स्कुटर र १ थान मोटरसाइकल बरामल भएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4