३ बैशाख, काठमाडौं । संवैधानिक पदाधिकारीहरु विरुद्धको मुद्दामा आगामी आइतबार (७ वैशाख) सर्वोच्च अदालतमा सुनुवाइ हुने भएको छ ।
एक पटक सुनुवाइ गरेपछि दुई/तीन सातापछि मात्रै सुनुवाइ गर्दै आएको सर्वोच्च अदालतले आगामी आइतबारका लागि मुद्दाको सुनुवाइ मिति तोकेको हो ।
बुधबारको सुनुवाइमा सबै रिट निवेदकहरुको तर्फबाट कानुन व्यवसायीहरुले बहस गरे। उनीहरुले अध्यादेशका आधारमा भएको ५२ संवैधानिक पदाधिकारीहरुको नियुक्ति गैरसंवैधानिक भएको जिकिर गरेका थिए ।
निवेदकहरुको बहसपछि सरकारको तर्फबाट महान्यायाधिवक्ता रमेश बडालले बहस गरे। उनले त्यतिबेलाको परिस्थितीमा संवैधानिक परिषदको बैठक नै बस्न नसक्ने त्यतिबेलाको परिस्थितिका कारण अध्यादेश जारी गर्नुपरेको बताएका थिए ।
अध्यादेशका आधारमा बसेको संवैधानिक परिषदको बैठकले उनीहरुको नियुक्ति गरेको र त्यसपछि अध्यादेश नै खारेज भएकाले रिट निवेदनहरुको औचित्य सकिएको जिकिर गरे ।
मुद्दाको सुनुवाइपछि सर्वोच्च अदालतले आगामी आइतबार (७ वैशाख)का लागि पेशी तोकेको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4