२०८२ वैशाख ४ गते २२:५९ 
४ बैशाख, काठमाडौं । नेपाल तेक्वान्दो संघ र विश्व तेक्वान्दोको मुख्यालय कुकिवनको संयुक्त आयोजनामा कुकिवन कप तेक्वान्दो प्रतियोगिता बिहीबार सुरु भएको छ ।
सातदोबाटोस्थित तेक्वान्दो एकेडेमी हलमा तीन दिन हुने प्रतियोगिता वैशाख ६ सम्म चल्नेछ ।
प्रतियोगितामा नेपाल भर सञ्चालित तेक्वान्दो डोजाङ तथा विभागीय तेक्वान्दो टिमहरुबाट ७०० खेलाडी सहभागिता रहेको आयोजकले जनाएको छ ।
प्रतियोगितामा ब्रेकिङ, पुम्से, टिम फाइट तथा तेक्वान्दो एरोबिक्स जस्ता निकै नै रोमाञ्चक खेल विधाहरुमा कुकिवनको नियम बमोजिम प्रतिस्पर्धा सञ्चालन गरिने आयोजकले जनाएको छ ।
युवा तथा खेलकुद मन्त्री तेजुलाल चौधरी तथा नेपालस्थित दक्षिण कोरियाली राजदूत पार्क तेई योङले बिहीबार संयुक्त उद्घाटन गरेका थिए ।
मन्त्री चौधरीले देशको नाम उचो राख्न तेक्वान्दोले योगदान पुर्याइरहेको भन्दै प्रतियोगिता आयोजनाले नेपाल र दक्षिण कोरियाबीचको सम्बन्ध प्रगाढ पार्ने विश्वास व्यक्त गरे ।
प्रतिक्रिया 4