७ वैशाख, काठमाडौं । राष्ट्रिय स्वतन्त्र पार्टी (रास्वपा)का शीर्ष नेताहरूले सहमहामन्त्री पदबाट राजीनामा दिएकी सुमना श्रेष्ठसँग छलफल गर्दैछन् ।
रास्वपाका कार्यबाहक सभापति डोलप्रसाद अर्यालका अनुसार सुमनासँग छिट्टै छलफल गर्ने तयारी छ ।
उनका अनुसार सुमनासँग उनको राजीनामाबारे महामन्त्री कविन्द्र बुर्लाकोटी, पार्टी उपसभापति स्वर्णिम वाग्ले र उपसभापति अर्यालले छलफल गर्दैछन् ।
‘राजीनामा आएपछि उहाँसँग सोधपुछ गर्ने प्रक्रिया हो । प्रक्रिया अन्तर्गत नै हामी छलफल गर्छौं’ अर्यालले अनलाइनखबरसँग भने, ‘आजै, भोलि वा जहिले पनि उहाँ (सुमना)सँग छलफल हुन सक्छ ।’
सुमनाले सहमहामन्त्रीबाट राजीनामा दिएको विषय यही वैशाख ४ गते सार्वजनिक भएको थियो । राजीनामा आइसकेपछि त्यसबारे पार्टीमा छलफल हुनु स्वभाविक रहेको अर्यालले बताए ।
उनका अनुसार रास्वपाको विधानले कुनै पदाधिकारीले राजीनामा दिँदा महामन्त्रीमार्फत सभापतिलाई दिनुपर्ने र सभापतिले आवश्यक परे सचिवाय र केन्द्रिय समितिसम्म लैजानसक्ने व्यवस्था गरेको छ ।
अर्यालका अनुसार सुमनाको राजीनामामा यो प्रक्रिया पूरा भएको छैन । तथापि, राजीनामा दिइसकेकाले त्यस सम्बन्धमा छलफल गर्न लागिएको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4