२०८२ वैशाख ७ गते २३:१० 
८ वैशाख, काठमाडौं । रोहित शर्मा र सुर्यकुमार यादवले अविजित अर्धशतकसहित शतकीय साझेदारी बनाएपछि मुम्बई इन्डियन्सले आईपीएल २०२५ मा चेन्नई सुपर किङ्समाथि सहज जित निकालेको छ ।
आइतबार बेलुका भएको दोस्रो खेलमा मुम्बईले चेन्नईलाई ९ विकेटले हराएको हो । चेन्नईले दिएको १७७ रनको लक्ष्य मुम्बईले १५.४ ओभरमा १ विकेटको क्षतिमा पूरा गर्यो ।
रोहित ७६ तथा सुर्यकुमार ६८ रनमा अविजित रहे । चेन्नईका लागि रविन्द्र जडेजाले एक मात्र विकेट लिए ।
त्यसअघि टस हारेर पहिले ब्याटिङको निम्तो पाएको चेन्नईले २० ओभरमा ५ विकेट गुमाएर १७६ रन बनायो । रविन्द्र जडेजाले अविजित ५३ तथा शिवम दुबेले ५० रन बनाए ।
मुम्बईका जसप्रित बुमराहले २ विकेट लिँदा दिपक चहर, अश्वनी कुमार र मिचेल सान्टनरले १-१ विकेट लिए ।
यस जितपछि ८ खेलमा ६ अंक भएको मुम्बई अंकतालिकामा छैटौं स्थानमा उक्लिएको छ भने ८ खेलमा छैटौं हार बेहोर्दा ४ अंक मात्र भएको चेन्नई १०औं स्थानमा यथावत् छ र अब प्लेअफ सम्भावना कठिन हुन थालेको छ ।
प्रतिक्रिया 4