२०८२ वैशाख ९ गते १५:५५ 
९ वैशाख, काठमाडौं । एसियन टेबल टेनिस युनियन (एटिटियु) को वार्षिक कार्यक्रम अनुसार अखिल नेपाल टेबल टेनिस संघको आयोजनामा साउथ एसियन रिजनल युथ टेबल टेनिस च्याम्पियनसिप यही साता हुने भएको छ ।
अखिल नेपाल टेबल टेनिस संघले मंगलबार पत्रकार सम्मेलन गर्दै च्याम्पियनसिप यहि वैशाख ११ देखि १४ गते (अप्रिल २४-२७ सम्म) हुने जानकारी दिएको हो । च्याम्पियनसिपका खेलहरु लैनचौर स्थित राष्ट्रिय टेबल टेनिस प्रशिक्षण केन्द्रमा हुनेछ ।
यस प्रतियोगितामा दक्षिण एसियाका भारत , पाकिस्तान, श्रीलंका, बंगलादेश, माल्दिभ्स र नेपाल गरी जम्मा ६ राष्ट्रका खेलाडीहरुले प्रतिस्पर्धा गर्नेछन् । प्रतियोगितामा यू-१९ र यू-१५ ब्वाईज गर्ल्सको खेलाडीहरु सहभागी हुनेछन् ।
प्रतियोगितामा टिम इभेन्टस्, सिंगल्स, डबल्स, मिक्स डबल ईभेन्टमा खेलाइनेछ । कुल १४ इभेन्ट समावेश गरिएको आयोजकले जनाएको छ । ८५ खेलाडीहरू प्रतियोगितामा सहभागी हुनेछन् ।
यस प्रतियोगितामा खेलाडी तथा अफिसियल गरी जम्मा ११३ जना सहभागी हुने संघले जनाएको छ । यो एसियन जुनियर च्याम्पियनसिपको लागि छनोट प्रतियोगिता समेत हो ।
यू-१९ तर्फ नेपाली खेलाडी राम्रो रहेको र राम्रो प्रदर्शन गर्ने अखिल नेपाल टेबल टेनिस संघले जनाएको छ । नेपालले स्वर्ण पदकका लागि नै प्रतिस्पर्धा गर्ने नेपाली टिमका मुख्य प्रशिक्षक मोहनदास बासुकलाले बताए ।
प्रतिक्रिया 4