२०८२ वैशाख १० गते १६:५४ 
१० वैशाख, काठमाडौं । साविक विजेता एपीएफले आठाैं केएनपी नेरोल्याक महिला राष्ट्रिय भलिबल प्रतियोगिता २०८२ मा विजयी सुरुवात गरेको छ ।
राष्ट्रिय खेलकुद परिषदको कभर्डहलमा बुधबार भएको उद्घाटन खेलमा एपीएफले त्रिभुवन आर्मीलाई ३-० को सेटमा पराजित गरेको हो ।
एकपक्षीय बनेको खेफमा एपीएफले आर्मीलाई २५-२०, २५-१३, २५-१६ ले हरायो । पहिलो सेट प्रतिस्पर्धात्मक बनेपनि त्यसपछिका सेट एपीएफले सहजै जितेको थियो ।
शेर बहादुर खड्का स्मृति प्रतिष्ठानको आयोजनामा भएको प्रतियोगितामा तीन विभागीय सहित ५ टिमको सहभागिता छ ।
आजै समूह बी मा रहेको नेपाल पुलिस क्लब र न्युडायमण्डबीच पनि खेल हुनेछ ।
प्रतिक्रिया 4