महिलाहरूका लागि ‘एग फ्रिजिङ’ गर्ने सही उमेर कति हो ?

आजकल महिलाहरूले आफ्नो शिक्षा र करियरलाई पहिलो प्राथमिकता दिन्छन् । युवा उमेरमा उनीहरूका लागि विवाह र परिवार विस्तारमा खासै ध्यान दिँदैनन् । यसले उनीहरूको प्रजनन् स्वास्थ्यलाई असर गर्न सक्छ, किनकि महिलाहरूको प्रजनन् क्षमता उमेर बढ्दै जाँदा घट्दै जान्छ ।

यस अवस्थाको सामना गर्न, धेरै महिलाहरूले डिम्ब फ्रिजिङ गर्ने विकल्प रोज्छन्, जसलाई ‘उसाइट क्रायोप्रिजर्भेसन’ पनि भनिन्छ । एग फ्रिजिङ महिलाहरूका लागि एक राम्रो विकल्प हो किनभने यसले भविष्यमा गर्भधारण गर्ने अवसर दिन्छ, उनीहरूको गर्भधारण गर्ने उमेर गए पनि ।

एग फ्रिजिङ भनेको के हो ?

एग फ्रिजिङ एक प्रक्रिया हो, जसमा महिलाबाट डिम्ब निकालिन्छ र धेरै कम तापक्रममा भण्डारण गरिन्छ । यस प्रक्रियाको मुख्य उद्देश्य महिलाहरूको प्रजनन क्षमता जोगाउनु हो, ता कि भविष्यमा उनीहरूले चाहेका बेला, यी डिम्बहरू प्रयोग गरी गर्भधारण गर्न सकुन् । यो प्रक्रियाले महिलाहरूलाई भविष्यमा आफ्नो प्रजनन् स्वास्थ्य राम्रो बनाउन भूमिका खेल्छ ।

डिम्ब फ्रिज गर्ने सही उमेर कति हो ?

महिलाहरूको लागि एग फ्रिजिङ गर्ने सबैभन्दा राम्रो समय उनीहरूको २० देखि ३० वर्षको उमेर हो । यस समयसम्म, महिलाको डिम्बको गुणस्तर र सङ्ख्या उत्कृष्ट भइसकेको हुन्छ, जसले गर्दा भविष्यमा फ्रिज गरेको डिम्ब सफलतापूर्वक प्रयोग गर्न सकिन्छ ।

वैज्ञानिक अनुसन्धानले देखाएको छ कि महिलाको डिम्बको सङ्ख्या र गुणस्तर जन्मको समयमा नै निर्धारण हुन्छ । यसपछि, यो बढ्दो उमेरसँगै घट्न थाल्छ । महिलाको डिम्बको गुणस्तर ३० वर्षको उमेरपछि घट्न थाल्छ र ३८ वर्षको उमेरपछि यसको गिरावट अझ छिटो हुन्छ । त्यसैले, भविष्यमा गर्भधारण गर्न कुनै समस्या नहोस् भनेर महिलाहरूलाई ३० वर्षको उमेरभन्दा पहिले नै एग फ्रिजिङ गराउन सल्लाह दिइन्छ ।

डिम्ब फ्रिज गर्नुका फाइदाहरू

भविष्यमा फेमिली प्लानिङ गर्ने विकल्प

एग फ्रिजिङले महिलाहरूलाई जीवनको कुनै पनि चरणमा परिवार सुरु गर्ने अवसर दिन्छ । विशेषगरी ती महिलाहरूका लागि जो करियर वा अन्य कारणले विवाह र गर्भावस्था ढिलाइ गर्न चाहन्छन् ।

डिम्बको गुणस्तर कायम राख्न

महिलाहरूको उमेर बढ्दै जाँदा, उनीहरूको डिम्बको गुणस्तर घट्दै जान्छ ।  एग फ्रिजिङको मद्दतले, यो गिरावट रोक्न सकिन्छ र महिलाहरूले भविष्यमा राम्रो गुणस्तरको डिम्ब प्राप्त गर्न सक्छन् ।

चिकित्सा कारणहरूको लागि तयारी

यदि कुनै महिलालाई भविष्यमा क्यान्सर जस्ता स्वास्थ्य समस्याका लागि उपचार गर्नुपर्ने हुन सक्छ, जसले उनको डिम्बको सङ्ख्या वा गुणस्तरलाई असर गर्न सक्छ भने, यस्तो अवस्थामा एग फ्रिजिङ एक सुरक्षित विकल्प हो । यस प्रक्रियामार्फत, महिलाले भविष्यमा बच्चा जन्माउने सम्भावना कायम राख्न सक्छिन् ।

एग फ्रिजिङले भविष्यमा गर्भधारणको ग्यारेन्टी गर्छ त  ?

एग फ्रिजिङले प्रजनन् क्षमता बढाउन मद्दत गर्छ, तर यो भविष्यमा कुनै पनि समयमा महिलाहरू गर्भवती हुनेछन् भन्ने ग्यारेन्टी होइन । डिम्ब फ्रिज गर्ने विकल्प छ, तर यसको सफलता दर डिम्बको गुणस्तर र महिलाको उमेर जस्ता धेरै अन्य कारकहरूमा निर्भर हुन्छ ।

ढिलो गर्भधारण गर्ने योजनामा रहेका महिलाहरूका लागि एग फ्रिजिङ सुरक्षित विकल्प हुन सक्छ । यद्यपि, भविष्यमा कुनै पनि समस्याबाट बच्नका लागि यो उचित उमेरमा गर्नु राम्रो हुन्छ । यदि ३० वर्षको उमेरभन्दा पहिले आफ्नो डिम्ब फ्रिज गरियो भने यो प्रक्रिया अझ प्रभावकारी साबित हुन सक्छ । त्यसैले,  यदि भविष्यमा आफ्नो परिवार विस्तार गर्ने सोच छ भने गर्भाधानका लागि समयमै एग फ्रिजिङ राम्रो विकल्प हुन सक्छ ।