१४ वैशाख, काठमाडौं । त्रिभुवन अन्तर्राष्ट्रिय विमानस्थलले सन् २०२५ को पहिलो तीन महिनामा साढे २२ लाख यात्रु व्यवस्थापन गरेको छ ।
विमानस्थल कार्यालयका अनुसार जनवरी, फेब्रुअरी र मार्चमा कुल २२ लाख ६३ हजार ३ सय ४५ यात्रुलाई सेवा दिइएको हो । तीमध्ये ११ लाख ८४ हजार ९ सय ७३ अन्तर्राष्ट्रिय र १० लाख ७८ हजार ३ सय ७२ आन्तरिक उडानका यात्रु छन् ।
जनवरीमा मात्र अन्तर्राष्ट्रियतर्फ कुल २ हजार ४ सय ५८ उडान/अवतरण भएका छन् । जनवरीमा ३ लाख ८७ हजार ३४ यात्रुले सेवा लिएका छन् ।
त्यस्तै फेब्रुअरीमा २ हजार २ सय ७५ उडान–अवतरण भएका थिए । यस महिना यात्रु संख्या ३ लाख ७३ हजार ५ सय ३४ थियो ।
यसैगरी मार्चमा २ हजार ७ सय १० उडान–अवतरण भएका छन् । यात्रु संख्या ४ लाख २४ हजार ४ सय ५ थियो ।
उता, आन्तरिकतर्फ जनवरीमा ६ हजार ३ सय ३८ उडान–अवतरणबाट ३ लाख १२ हजार ९ सय २६ यात्रुले सेवा लिएका छन् ।
फेब्रुअरीमा ६ हजार ९ सय १३ उडान–अवतरण भए । यस महिना ३ लाख ५७ हजार ७ सय ६९ यात्रुले उडान सेवा लिएका थिए ।
त्यस्तै मार्चमा ९ हजार ६४ उडान–अवतरण भएकोमा यात्रु संख्या ४ लाख ७ हजार ६ सय ७७ पुगेको विमानस्थल कार्यालयले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4