२०८२ वैशाख १५ गते १०:३७ 
१५ वैशाख, काठमाडौं । नेपालको इ स्पोर्ट्स टोली डिआरएस गेमिङ र ट्राइब एरोमेसी (एएसटी) पब्जी मोबाइल सुपर लिग (पीएमएसएल) सेन्ट्रल एण्ड साउथ एसिया (सीएसए) को लागि छनोट भएको छ ।
पब्जी मोबाइल एनसी साउथ एसिया प्रतिस्पर्धामा शीर्ष दुई स्थानमा रहँदै डिआरएस र एएसटीले पीएमएसएल सीएसएमा स्थान पक्का गरेको हो ।
तीन दिनसम्म अनलाइनमा भएको प्रतिस्पर्धामा डिआरएस १२५ अंक जोडेर शीर्ष स्थानमा रहँदा ट्राइब एरोमेसी ११४ अंकसहित दोस्रो भयो । ११० अंक जोडेर तेस्रो स्थानमा रहेको रोएल गुर्खाज थोरैले चुक्यो ।
यस प्रतिस्पर्धामा नेपालबाट १२ सहित कूल १६ टिमले प्रतिस्पर्धा गरेका थिए ।
अब डिआरएस गेमिङ र एएसटीले पीएमएसए सीएसएमा प्रतिस्पर्धा गर्नेछन् । यसमा साउथ एसियाबाट ८ र सेन्ट्रल एसियाबाट १२ गरी कूल २० टिमले प्रतिस्पर्धा गर्नेछन् ।
२० टिमको प्रतिस्पर्धा मे तेस्रो सातादेखि सुरु हुनेछ । फाइनल चरण जुनमा हुनेछ । यसबाट शीर्ष तीन टिम साउदी अरेबियामा हुने पब्जी मोबाइ वर्ल्ड कप २०२५ मा छनोट हुनेछ ।
प्रतिक्रिया 4