१६ वैशाख, काठमाडौं । शिक्षक महासंघको बैठक लम्बिँदा सरकारसँगको वार्तामा ढिलाइ भएको छ । शिक्षक महासंघका एक सदस्यका अनुसार दिउँसैदेखि बैठक बसिरहेको छ ।
सरकारसँगको वार्तामा आफ्ना कुरा के–के राख्ने तथा आन्दोलनलाई के गर्ने भन्नेमा महासंघले धारणा बनाउन बैठक बसिरहेको हो ।
‘बैठक जारी छ । बोल्ने क्रम सकिएको छैन,’ बैठकमा सहभागी एक शिक्षक नेताले भने, ‘आन्दोलनलाई कसरी लैजाने भन्नेमा फरक फरक मत आइरहेको छ । एउटै धारणा बनाएर वार्तामा जाने तयारी छ ।’
शिक्षा मन्त्रालयका अधिकारीका अनसार मन्त्री रघुजी पन्त शिक्षक नेतालाई कुरिरहेका छन् । ‘शिक्षक महासंघका प्रतिनिधि आउनुभएको छैन । मन्त्रीज्यू उहाँहरूलाई कुरिरहनुभएको छ,’ मन्त्रालयका एक अधिकारीले भने ।
सोमबार राति भएको वार्ता सकारात्मक भएको भनिएको थियो । मंगलबारको वार्तामा सहमति गर्ने भनिए पनि अहिलेसम्म शिक्षक नेताहरू वार्ताको लागि गएका छैनन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4