२४ वैशाख, काठमाडौं । वीरगञ्जको विकासका लागि कर तिरेर आफ्नो जिम्मेवारी पूरा गर्न वीरगञ्ज महानगरपालिकाले होटल तथा पर्यटन व्यवसायीसँग आग्रह गरेको छ ।
बुधबार होटल तथा पर्यटन व्यवसायीसँगको छलफलमा मेयर राजेशमान सिंहले वीरगञ्ज महानगरभित्र सञ्चालित होटल तथा पर्यटन व्यवसायीहरूलाई करको दायरामा आउन आग्रह गरेका हुन् ।
छलफलमा होटल तथा पर्यटन व्यवसायी संघ वीरगञ्जका अध्यक्ष हरि पन्तले अधिकांश होटल तथा पर्यटन व्यवसायीहरू करको दायरामा आइसकेको भन्दै बाँकी रहेका व्यवसायीहरू पनि करको दायरामा आउन सकारात्मक रहेको सुनाए ।
अध्यक्ष पन्तले होटल तथा पर्यटन व्यवसायीहरू वीरगञ्जको विकासका लागि महानगरसँग सहकार्य गर्न तयार रहेको बताए ।
कर तिर्नु व्यवसायीहरूको दायित्व भएको भन्दै उनले सबै व्यवसायीहरूलाई अनिवार्यरूपमा करको दायरामा आउन उनले आग्रह समेत गरे ।
छलफलमा महनगरका उपप्रमुख इम्तियाज आलम, कर शाखाका अधिकृत, होटल तथा पर्यटन व्यवसायी संघका पदाधिकारी लगायत सहभागी थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4