संसद्‍मा अर्थमन्त्री उपस्थित नभएकोमा माओवादीको नियमापत्ति

News Summary

Generated by OK AI. Editorially reviewed.

माओवादी सांसद हितराज पाण्डेले आगामी आर्थिक वर्षको विनियोजन विधेयकको छलफलमा अर्थमन्त्रीको अनुपस्थितिमा आपत्ति जनाएका छन्।
पाण्डे भन्छन् कि छलफलमा अर्थमन्त्रीको उपस्थित अनिवार्य भए पनि उनी बैठकमा उपस्थित नभएकोले छलफल प्रभावित भएको छ।
पाण्डेले सभामुखसँग अर्थमन्त्रीलाई उपस्थित गराउन आग्रह गरेका छन् ताकि सांसदहरूको आवाज सुनिन सकियोस्।

३१ वैशाख, काठमाडौं । नेकपा माओवादी केन्द्रका सांसद हितराज पाण्डेले आगामी आर्थिक वर्षको विनियोजन विधेयकको सिद्धान्त र प्राथमिकतामाथिको छलफलमा अर्थमन्त्री उपस्थित नभएको भन्दै आपत्ति जनाएका छन् ।

प्रतिनिधिसभाको बुधबारको बैठकमा सांसद पाण्डेले यस्तो आपत्ति जनाएका हुन् ।

प्रतिनिधिसभा बैठकमा आगामी आर्थिक वर्ष २०८२/८३ को विनियोजन विधेयकको सिद्धान्त र प्राथमिकतामाथि छलफल भइरहेका छ ।

प्रतिनिधिसभा नियमावली अनुसार उक्त छलफलमा अर्थमन्त्रीको उपस्थिति अनिवार्य हुनुपर्ने भए पनि उनी अनुपस्थित भएको भन्दै पाण्डेले आपत्ति जनाएका हुन् ।

‘अहिले हामी आगामी आर्थिक वर्ष २०८२/८३ को विनियोजन विधेयकको सिद्धान्त र प्राथमिकतामाथि छलफल गरिरहेका छौं । यो छलफलमा माननीय उपप्रधान तथा अर्थमन्त्रीज्यू उपस्थित भएर हाम्रो सदनमा भएका विषयवस्तुहरूलाई सरकारले सुनेर मनन गरेर सांसदका आवाजलाई लैजानु पर्ने थियो । त्यसकारण अर्थमन्त्रीज्यूलाई सदनमा उपस्थित गराएर यो सदनलाई अगाडि बढाउनका लागि म सभामुखज्यूसँग यो नियमापत्ति गर्न चाहन्छु,’ उनले भने ।