आमिर खानको ‘सितारे जमीन पर’मा नेपाली डिजाइनर महर्जनको टाइपो

आनन्द महर्जन (बायाँ) र उनले तयार पारेको टाइपो बीचमा ।

News Summary

Generated by OK AI. Editorially reviewed.

आमिर खानको फिल्म ‘सितारे जमीन पर’ को ट्रेलरमा नेपाली ग्राफिक्स डिजाइनर आनन्द महर्जनले तयार पारेको हिन्दी टाइपो प्रयोग भएको छ।
महर्जनले १३ वर्षदेखि नेपाली फिल्मको पोस्टर र हिन्दी फिल्मका लागि टाइपो डिजाइन गर्दै आएका छन् र उनले लगभग ७० वटा हिन्दी फिल्ममा टाइपो तयार पारेका छन्।
उनी नेपाली र अंग्रेजी दुवै भाषामा टाइपो तयार पार्न सक्ने भए पनि, यस पटक मात्र हिन्दी टाइपो प्रयोग गरिएको हो।

काठमाडौं । आमिर खानको प्रतीक्षित बलिउड फिल्म ‘सितारे जमीन पर’ले नेपाली ग्राफिक्स डिजाइनर आनन्द महर्जनले तयार पारेको ‘हिन्दी टाइपो’ प्रयोग गरेको छ । केही दिनअघि मात्रै यो फिल्मको ट्रेलर सार्वजनिक भएको थियो ।

ट्रेलरमा महर्जनले तयार पारेको हिन्दी टाइपोलाई समावेश गरिएको छ । १३ वर्षदेखि नेपाली फिल्मको पोस्टर डिजाइन गर्दै आइरहेका महर्जनले अहिलेसम्म ७० हाराहारीमा हिन्दी फिल्ममा टाइपो तयार पारिसकेका छन् ।

आफूले हिन्दी र अंग्रेजी दुवै भाषामा टाइपो तयार पारे पनि हिन्दी टाइपो मात्र प्रयोग गरिएको उनको भनाइ छ ।

महर्जनले बलिउडको प्रसिद्ध पोस्टर डिजाइनर कम्पनी एच वानसँग मिलेर काम गर्दै आइरहेका छन् । ‘यसमा पनि पोर्टफोलियो उल्लेख नगर्ने सर्तमा काम भएको थियो’ महर्जनले अनलाइनखबरसँग भने ।

उनले एच-वानको लागि नेपालबाट आउटसोर्सिङ काम गर्दै आइरहेका छन् । सन् २०१२ को नेपाली फिल्म ‘छड्के’बाट महर्जनले पोस्टर र फन्ट डिजाइन गर्दै आइरहेका थिए ।

आकर्षक र मौलिक फन्टमार्फत पोस्टर डिजाइन गर्न महर्जन खास मानिन्छन् ।