२०८२ जेठ २७ गते १९:३८ 
News Summary
Generated by OK AI. Editorially reviewed.- नेपालले २३६ रनको लक्ष्य राख्दै ५० ओभरमा ९ विकेट गुमाएर खेल समाप्त गर्यो।
- आरिफ शेखले ८४ रन बनाएर सर्वाधिक योगदान दिए।
- नेपालले नेदरल्याण्ड्ससँग यसअघि भएको खेलमा जित निकालेको थियो।
२७ जेठ, काठमाडौं । आरिफ शेखले संयमित ब्याटिङ गर्दै ८४ रन बनाएपछि आईसीसी क्रिकेट विश्वकप लिग २ क्रिकेटअन्तर्गत नेपालले नेदरल्याण्ड्सलाई मध्यम लक्ष्य प्रस्तुत गरेको छ ।
डुनेडीमा टस हारेर पहिले ब्याटिङको निम्तो पाएको नेपालले ५० ओभरमा ९ विकेट गुमाएर २३६ रन बनाउँदै २३७ रनको लक्ष्य प्रस्तुत गरेको हो ।
नेपालका लागि आरिफ शेखले सर्वाधिक ८४ रन बनाए । ८५ बल खेलेका उनले ७ चौका र २ छक्का प्रहार गरे । उनी अन्तिम ओभरको तेस्रो बलमा बोल्ड आउट भएका थिए ।
त्यस्तै भीम सार्की र कप्तान रोहित पौडेलले समान ३५ रन बनाए । कुशल भुर्तेलले १८ तथा दिपेन्द्रसिंह ऐरीले १६ रन बनाए ।
नेदरल्याण्ड्सका लागि पल भान मिकेरनले १० ओभरमा ५८ रन दिएर ४ विकेट लिए । माइकल लेभिटले ३ तथा आर्यन दत्तले १ विकेट लिए ।
नेपालले नेदरल्याण्ड्ससँग यसअघि भएको खेलमा जित निकालेको थियो ।
प्रतिक्रिया 4