२०८२ जेठ २८ गते ७:५६ 
News Summary
Generated by OK AI. Editorially reviewed.- अर्जेन्टिना र कोलम्बिया बीचको खेल १-१ को बराबरीमा सकियो।
- खेलमा अर्जेन्टिनाले १० खेलाडीमा सीमित भएर पनि बराबरी गरे।
- अर्जेन्टिना विश्वकपमा पहिले नै छनोट भइसकेको छ।
२८ जेठ, काठमाडौं । फिफा विश्वकप छनोटको दक्षिण अमेरिकी छनोटअन्तर्गत बुधबार विहान भएको खेलमा अर्जेन्टिना र कोलम्बियाले बराबरी खेलेका छन् ।
दुवै टोलीले १-१ गोलको बराबरी खेले । १-० ले पछि परेको अवस्थाबाट अन्तिम समयतिर गोल फर्काउँदै १० खेलाडीमा सीमित अर्जेन्टिनाले हार टारेको हो ।
खेलको २४औं मिनेटमा लुइस डियाजले गोल गर्दै कोलम्बियालाई अग्रता दिलाएका थिए । दोस्रो हाफको ७०औं मिनेटमा एन्जो फर्नान्डेज रातो कार्ड खाँदै मैदानबाट बाहिरिएपछि अर्जेन्टिन १० खेलाडीमा सीमित भएको थियो ।
८१औं मिनेटमा पालसियसको असिस्टमा थियागो अल्माडाले गोल गर्दै खेल बराबरीमा ल्याए । त्यसपछि थप गोल भएनन् र खेल बराबरीमा सकियो ।
अर्जेन्टिना यसअघि नै विश्वकपमा छनोट भइसकेको छ । अर्जेन्टिना १६ खेलमा ३५ अंक जोडेर शीर्षस्थानमा छ । कोलम्बियाको १६ खेलबाट २२ अंक छ र छैटौं स्थानमा छ ।
आजै भएका अन्य खेलम उरुग्वेले भेनेजुएलालाई २-० ले हराउँदा बोलिभियाले चिलीलाई २-० ले हरायो । योसँगै चिलीको विश्वकप सम्भावना नै समाप्त भएको छ ।
प्रतिक्रिया 4