वैकल्पिक शक्तिहरूसँग सहकार्य गर्न रास्वपाले संवाद कार्यदल बनाउने

News Summary

Generated by OK AI. Editorially reviewed.

रास्वपाले वैकल्पिक शक्तिहरूसँग संवाद गर्न कार्यदल गठन गर्ने निर्णय गरेको छ।
पार्टीको पहिलो महाधिवेशन सफल बनाउन प्रदेशस्तरमा अभियान सञ्चालन गर्ने निर्णय पनि भएको छ ।
पार्टीले वैकल्पिक राजनीति पक्षधर, अभियन्ता र स्वतन्त्र समूहहरूलाई एक ठाउँमा ल्याउन नेतृत्वदायी भूमिका खेल्ने बताइएको छ।

५ जेठ, काठमाडौं । राष्ट्रिय स्वतन्त्र पार्टी (रास्वपा) ले वैकल्पिक अन्य शक्तिहरूसँग संवाद गर्ने भएको छ । पार्टी सचिवालय बैठक बसेर सहकार्यका लागि संवाद कार्यदल गठन गर्ने निर्णय गरेको छ ।
बिहीबार बिहान बसेको बैठकले वैकल्पिक राजनीति पक्षधर, अभियन्ता तथा स्वतन्त्र समूहहरूसँग सहकार्य गर्न कार्यदल गठन गर्ने निर्णय गरेको हो । ती शक्तिहरूलाई एकठाउँमा ल्याउनका लागि नेतृत्वदायी भूमिकाले खेल्ने बताइएको छ ।

‘विषम राजनीतिक परिस्थितिमा वैकल्पिक राजनीति पक्षधर, अभियन्ता तथा स्वतन्त्र समूहहरूलाई एउटै धागोमा बाँध्न पार्टीले नेतृत्व लिने र ‘सहकार्य–संवाद कार्यदल’ गठन गर्ने’ रास्वपाको निर्णयमा भनिएको छ ।

बैठकले पार्टीको पहिलो महाधिवेशन सफल बनाउन सातै प्रदेशकेन्द्रित संगठन अभियान सञ्चालन गर्ने निर्णय गरेको छ ।