२०८२ असार २२ गते २२:३६ 
News Summary
Generated by OK AI. Editorially reviewed.- एसीसी यू-१६ इस्ट जोन कपको उपाधि विजेता नेपाली टोली स्वदेश फर्किएको छ ।
- नेपालले फाइनलमा सिंगापुरलाई हराएर उपाधि जितेको थियो ।
- नेपालले यस प्रतियोगितामा अपराजित रहँदै लगातार उपाधि जितेको हो।
२२ असार, काठमाडौं । एसीसी यू-१६ इस्ट जोन कपको उपाधि विजेता नेपाली टोली स्वदेश फर्किएको छ । टोली आइतबार बेलुकी काठमाडौं आइपुगेको हो ।
टोलीलाई नेपाल क्रिकेट संघ (क्यान)का सचिव पारस खड्का, यू-१९ टोलीका प्रशिक्षक शक्ति गौचन लगायतले त्रिभुवन अन्तर्राष्ट्रिय विमानस्थलमा स्वागत गरे ।
शनिबार भएको फाइनलमा सिंगापुरलाई २ विकेटले हराउँदै नेपालले उपाधि जितेको थियो । नेपाल यस प्रतियोगितामा अपराजित रहेर उपाधि जितेको हो ।
नेपालले यसअघि सन् २०२३ मा भएको इस्ट जोन कपको पनि उपाधि जितेको थियो ।
त्यसअघि एसीसीले यू-१६ इस्टर्न रिजनको नाममा प्रतियोगिता आयोजना गर्दै आएको थियो र नेपालले २०१७ र २०१९ मा पनि लगातार उपाधि जितेको थियो ।
प्रतिक्रिया 4