News Summary
Generated by OK AI. Editorially reviewed.- प्रभु बैंक लिमिटेडको सञ्चालक समितिले किशोरजंग कार्कीलाई अध्यक्ष चयन गरी सोमबार पदभार ग्रहण गराए।
- उनले राष्ट्र बैंकको शपथ ग्रहणपछि बैंकको ३८१औं बैठकको अध्यक्षता गरे।
- कार्कीले बैंकको व्यापार र प्रविधि विकासमा थप प्रगति हुने विश्वास व्यक्त गरिएको छ।
काठमाडौं । प्रभु बैंक लिमिटेड सञ्चालक समितिका नवनियुक्त अध्यक्ष किशोरजंग कार्कीले सोमबार पदभार ग्रहण गरेका छन् ।
नेपाल राष्ट्र बैंकका गभर्नर विश्वनाथ पौडेल समक्ष पद तथा गोपनीयताको शपथ ग्रहण गरी कार्कीले बैंक सञ्चालक समितिको ३८१औं बैठकको अध्यक्षता गरेर पदभार ग्रहण गरेका हुन् ।
राष्ट्र बैंक बालुवाटारमा सम्पन्न शपथ ग्रहण कार्यक्रममा डेपुटी गभर्नरद्वय निलम ढुंगाना र बमबहादुर मिश्र तथा बैंक सुपरीवेक्षण विभाग प्रमुख दीर्घ रावलको उपस्थिति थियो । त्यस अवसरमा प्रभु बैंकका सञ्चालक र प्रमुख कार्यकारी अधिकृतको पनि उपस्थिति थियो ।
२९ पुस २०८१ मा बसेको बैंकको २३औं वार्षिक साधारणसभामा सर्वसाधारण समूहका सेयरधनीको प्रतिनिधत्व गर्दै बैंक सञ्चालक निर्वाचित कार्की १९ असारमा सम्पन्न बैंक सञ्चालक समितिको ३८०औं बैठकबाट अध्यक्ष चयन भएका हुन् ।
३८ वर्षभन्दा बढी अवधि नेपालको सरकारी सेवामा बिताएर विभिन्न आयोग, विभाग एवं निकायको सफलतापूर्वक जिम्मेवारी निर्वाह गरिसकेका कार्कीले प्रभु बैंकको अध्यक्षजस्तो पदमा चयन हुनु गर्वको विषय भएको बैंकले जनाएको छ ।
नवनियुक्त अध्यक्ष कार्कीको नेतृत्वबाट प्रभु बैंकको व्यापार–व्यवसाय अभिवृद्धि हुनुका साथै समयसापेक्ष अत्याधुनिक प्रविधि सहित गुणस्तरीय सेवा विस्तारमा थप हौसला मिल्ने विश्वास बैंकको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4