२५ असार, काठमाडौ । त्रिविमा उपकुलपति दीपक अर्यालले पदभार ग्रहण गरे लगत्तै कांग्रेस र माओवादी निकट विद्यार्थी संगठनले विरोध सुरु गरेका छन् ।
नवनियुक्त उपकुलपति दीपक अर्यालले बुधबार पदभार ग्रहण गरेलगत्तै अखिल क्रान्तिकारीले नेमप्लेट झिकेका छन् ।
अखिल क्रान्तिकारीले फास्ट ट्रयाकबाट प्राध्यापक नियुक्ति गर्न नहुने माग राख्दै पदाधिकारीलाई विश्वविद्यालय प्रवेशमा रोक लगाएको थियो ।
उपकुलपतिलाई स्वागत र आफ्ना कुरा राख्न आधा घण्टाको समय मागेको तर भेट्न नचाहेपछि नेम्प्लेट हटाएको त्रिवि क्रान्तिकारीका कार्यवाहक अध्यक्ष शिवराज भट्टले बताए ।
‘पदाधिकारीलाई प्रवेश निषेध गरेका थियौं, नयाँ उपकुलपतिलाई स्वागत गर्न र आफ्नो कुरा राख्न आधा घण्टाको समय मागेको हो, समय पाएनौं अनि नेमप्लेट झिकेको हो,’ उनले भने ।
पदभारको कार्यक्रम सकिएपछि गएर क्रान्तिकारीले नेमप्लेट झिकेको हो । त्यसैगरी नेविसंघले पनि विज्ञप्ति निकालेर मेरिटको आधारमा उपकुलपति नियुक्त गर्न माग गरेको थियो ।
त्रिवि नेविसंघ सभापति बडैलाले उपकुलपतिलाई नेविसंघले बहिष्कार गरेको बताए ।
‘मेरिटोक्रेसीको आधारमा उपकुलपति नियुक्त नभएकाले बहिष्कार गरेका हौं’, उनले भने । प्रधानमन्त्री केपी ओलीले अर्याललाई बुधबार उपकुलपतिमा नियुक्त गरेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4