२६ असार, काभ्रेपलाञ्चोक । सिन्धुपाल्चोकको भोटेकोशी गाउँपालिका–२ इकुमा खसेको पहिरो हटाएपछि अरनिको राजमार्ग सञ्चालनमा आएको छ ।
बिहीबार बिहान इकुमा पहिरो खस्दा पूर्णरुपमा अवरुद्ध भएको अरनिको राजमार्ग सडक डिभिजन कार्यालय चरिकोटले बेलुकाबाट खुलाएको जिल्ला प्रहरी कार्यालय सिन्धुपाल्चोकका प्रमुख रामेश्वर कार्कीले जानकारी दिए ।
इकुमा माथिबाट पहिरो खस्दा र सडकको तलपट्टी भोटेकोशीले कटान गरेर भासिएको कारण सडक पूर्णरुपमा अबरुद्ध भएको थियो ।
कोदारी र इकोमा सडक भासिएर तातोपानी नाका बन्द भएको यो चौथो पटक हो भने कोदारीमा आइतबार पनि सडक अवरुद्ध भएको थियो ।
यसअघि कोदारी, लार्चे, र कोप्लाङमा सडक अवरुद्ध भएको थियो । हाल लार्चामा बेलिब्रिज जोडिएपछि त्यहाँको समस्या भने समाधान भएको छ ।
सडक पूर्णरुपमा बन्द भएपछि तातोपानी नाका हुँदै राजधानी जान लागेका मालबाहक कन्टेनर भन्सार क्षेत्रमै रोकिएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4