जिल्ला प्रशासन कार्यालय रामेछापमा विद्युतीय टोकन प्रणाली

टोकन प्रणाली प्रयोग गर्दै एक सेवाग्राही

News Summary

Generated by OK AI. Editorially reviewed.

जिल्ला प्रशासन कार्यालय रामेछापले साउन १ गतेदेखि सेवाग्राहीलाई प्रभावकारी सेवा दिन विद्युतीय टोकन प्रणाली सुरु गरेको छ।
प्रमुख जिल्ला अधिकारी श्यामकृष्ण थापाले भने, \'सेवामा कसैले पनि भेदभाव महसुस नगरोस् भन्ने उद्देश्यले हामीले टोकन प्रणाली ल्याएका हौं।\'
रामेछाप नगरपालिकाको सहयोगमा जडान गरिएको यो प्रणाली नागरिकता, राहदानी र राष्ट्रिय परिचयपत्र शाखामा लागू गरिएको छ ।

२ साउन, काभ्रेपलाञ्चोक । सेवाग्राहीलाई प्रभावकारी र सहज रूपमा सेवा प्रदान गर्ने उद्देश्यले जिल्ला प्रशासन कार्यालय रामेछापले विद्युतीय टोकन प्रणाली सुरु गरेको छ ।

साउन १ गतेबाट सुरु गरिएको टोकन प्रणालीले सेवा लिने क्रमलाई व्यवस्थित गर्दै सेवाग्राहीको समय र श्रम दुवै बचाउने अपेक्षा गरिएको रामेछापका प्रमुख जिल्ला अधिकारी श्यामकृष्ण थापाले जानकारी दिए ।

कार्यालयमा सेवाग्राहीको चाप बढ्दै गएको सन्दर्भमा छिटो आउनेको छिटो काम होस् भन्ने सोचका साथ टोकन प्रणाली सुरु गरिएको उनको भनाइ छ । ‘सेवामा कसैले पनि भेदभाव महसुस नगरोस् भन्ने उद्देश्यले हामीले टोकन प्रणाली ल्याएका हौं, यसले सेवा प्रवाहलाई व्यवस्थित बनाउँछ,’ प्रजिअ थापाले भने ।

सबैभन्दा धेरै चाप हुने नागरिकता तथा प्रतिलिपि शाखा, राहदानी शाखा र राष्ट्रिय परिचयपत्र शाखामा यो प्रणाली लागू गरिएको छ ।

रामेछाप नगरपालिकाको सहयोगमा टोकन प्रणाली जडान गरिएको हो । सेवा प्रवाहलाई नागरिकमैत्री, पारदर्शी र सुशासनमुखी बनाउन टोकन प्रणाली सहयोगी हुने जिल्ला प्रशासन कार्यालय रामेछापको विश्वास छ ।