२०८२ असोज १ गते २३:०३ 
News Summary
Generated by OK AI. Editorially reviewed.- नेपालका युवा गोलकिपर जियारथ शेख अस्ट्रेलिया प्रस्थान गरेका छन्।
- जियारथले यू-१९, यू-२० र यू-२३ राष्ट्रिय टिममा खेलिसकेका छन्।
- उनी शहीद स्मारक ए डिभिजन लिग र नेपाल सुपर लिगमा पनि खेलेका छन्।
१ असोज, काठमाडौं । नेपालका उदाउँदो गोलकिपर जियराथ शेख पनि अस्ट्रेलिया प्रस्थान गरेका छन् । नेपालमा शीर्ष डिभिजनको लिग नभइरहेको बेला फुटबल खेलाडीहरू विदेश पलायन हुने क्रम कायम रहँदा युवा गोलकिपर जियारथले पनि त्यही बाटो रोजेका छन् ।
उमेर समूहको नेपालको राष्ट्रिय टिमबाट समेत खेलिसकेका जियारथलाई सम्भावना बोकेका गोलकिपरको रूपमा हेरिएको थियो । उनले नेपालको यू-१९ र यू-२० टिमबाट खेलिसकेका छन् ।
यस्तै यू२३ राष्ट्रिय टिमको क्याम्पमा समेत समावेश थिए । तर भर्खरै ताजिकिस्तानमा भएको एएफसी यू-२३ एसियन कप छनोटका लागि भने उनी अन्तिम टोलीमा अटाउन सकेनन् ।
त्यस्तै जियारथले घरेलु फुटबलमा शहीद स्मारक ए डिभिजन लिग र नेपाल सुपर लिग समेत खेलिसकेका छन् । मनाङ मर्स्याङ्दीबाट ए डिभिजन लिग खेलेका जियारथले धनगढी एफसीबाट नेपाल सुपर लिगको तेस्रो संस्करण खेलेका थिए । नेपाल सुपर लिगको दोस्रो संस्करणमा उनी काठमाडौं रेजर्स टिममा थिए ।
जियाराथका दाई अमनाथ शेखले भाईलाई उज्वल भविष्यको शुभकामना दिँदै आफ्नो लक्ष्यमा केन्द्रित हुन शुभकामना दिएका छन् ।
प्रतिक्रिया 4