‘कबड्डी ५’ले खोज्यो १६ जना कलाकार, अधिकांश थकाली

News Summary

Generated by OK AI. Editorially reviewed.

निर्माता कम्पनी बाँसुरी फिल्म्सले फिल्म 'कबड्डी ५' का लागि १६ कलाकारको कास्टिङ कल आह्वान गरेको छ।
कार्यकारी निर्माता मणिराम पोखरेलले इच्छुकले ९ असोजसम्म २ मिनेटको मोनोलग भिडियो पठाउनुपर्ने बताए।
फिल्मको छायांकन दशैंको टीका लगत्तै मुस्ताङमा सुरु हुनेछ र शीर्ष भूमिकामा दयाहाङ राई, मिरुना मगर छन्।

काठमाडौं । छायांकन सुरु हुन केही साता बाँकी रहँदा प्रतीक्षित फिल्म ‘कबड्डी ५’ले कलाकारको आह्वान गरेको छ ।

निर्माता कम्पनी बाँसुरी फिल्म्सले विहिबार विज्ञप्ति जारी गर्दै महत्पूर्ण सहायक भूमिकाको लागि कास्टिङ कल गरिएको जनाएको छ ।

आठजना महिला-पुरुष पात्रसहित ८ जना समूह गरि कूल १६ कलाकारको लागि आवेदन आह्वान गरिएको हो । कार्यकारी निर्माता मणिराम पोखरेलले इच्छुकले ९ असोज विहिबार मध्यान्हसम्म बाँसुरी फिल्म्सको इमेलमा २ मिनेटको मोनोलग भिडियो पठाउनुपर्ने बताए ।

‘प्राप्त भिडियोलाई उत्कृष्टताको आधारमा छनोट गरेर सम्बन्धितलाई हामी आफैले सम्पर्क गर्नेछौं’ पोखरेलले अनलाइनखबरसँग भने ।

मागिएका अधिकांश कलाकारमा थकाली समुदायबाट छन् । ती पात्रको चरित्रसहितका कलाकार मागिएको छ ।

रामबाबु गुरुङले निर्देशन गर्ने फिल्मको शीर्ष भूमिकामा दयाहाङ राई, मिरुना मगर, विजय बराल र बुद्धि तामाङको शीर्ष अभिनय हुनेछ । दशैंको टीका लगत्तै मुस्ताङमा छायांकन सुरु हुनेछ ।

‘कबड्डी’का चारै सिरिजले घरेलु बक्सअफिसमा उछाल कमाइ गरेका छन् । पाँचौ श्रृंखलापछि बाँसुरी फिल्म्सले २१ कात्तिकमा प्रदर्शन तयारीमा रहेको फिल्म ‘जारी २ ः सङ अफ च्याब्रुङ’को प्रचारप्रसार गर्ने जनाएको छ ।