२०८२ असोज २४ गते १३:२० 
News Summary
Generated by OK AI. Editorially reviewed.- एमसीए वुमन्स इन्टरस्टेट टी-२० च्याम्पियनसिपमा नेपालका ६ जना खेलाडी सहभागी हुने भएका छन्।
- सीता राना मगर, कविता जोशी, राजमती ऐरी, रुबिना क्षेत्री, पूजा महतो र कविता कुवँरले उक्त प्रतियोगितामा खेल्नेछन्।
- सीता, कविता जोशी र राजमतीले सेलाङ्गर क्रिकेट एसोसिएसनका लागि खेल्नेछन् भने रुबिना, पूजा र कविता कुवँरले सरावक क्रिकेट एसोसिएसनका लागि खेल्नेछन्।
२४ असोज, काठमाडौं । मलेसियन क्रिकेट संघको आयोजनामा यही अक्टोबर १८ देखि २८ सम्म क्वालालम्पुरमा हुने एमसीए वुमन्स इन्टरस्टेट टी-२० च्याम्पियनसिपमा नेपालका ६ जना खेलाडी सहभागी हुने भएका छन्।
नेपाल क्रिकेट संघ (क्यान)का अनुसार सीता राना मगर, कविता जोशी, राजमती ऐरी, रुबिना क्षेत्री, पूजा महतो र कविता कुवँरले उक्त प्रतियोगितामा खेल्ने भएका हुन् ।
सीता, कविता जोशी र राजमतीले सेलाङ्गर क्रिकेट एसोसिएसनका तर्फबाट खेल्नेछन् भने रुबिना, पूजा र कविता कुवँरले सरावक क्रिकेट एसोसिएसनका लागि खेल्नेछन्।
नेपाली महिला टोलीले यसअघि मलेसियामै सुपर वुमन सिरिजमा पनि सहभागिता जनाएका थिए । उक्त प्रतियोगितामा सबै खेलाडीले ५ फरक फरक टिमबाट खेलेका थिए ।
त्यसपछि मलेसियासँग ५ खेलको टी-२०आई शृंखला खेलेको महिला टोलीले शृंखला ३-२ ले जितेको थियो ।
प्रतिक्रिया 4