टाइम म्यागजिनको कभर फोटोमा कपाल नदेखिएपछि रिसाए ट्रम्प

२९ असोज, काठमाडौं । अमेरिकी राष्ट्रपति डोनाल्ड ट्रम्पले आफ्नो तस्वीर टाइम म्यागजिनको कभरमा आएपछि रिसाएका छन् । उनले यसलाई ‘अहिलेसम्मको सबैभन्दा खराब तस्वीर’ भनेका छन् ।

ट्रम्पले सोमबार आफ्नो असन्तुष्टि ट्रुथ सोसलमा सार्वजनिक गर्दै भने, ‘टाइम पत्रिकाले मेरो बारेमा राम्रो लेख लेख्यो, तर सबैभन्दा खराब तस्वीर छाप्यो ।’

ट्रम्पले थपे, ‘तस्वीरमा मेरो कपाल ‘गायब’ गरिएका छन् र टाउकोमाथि एउटा तैरिरहेको अजीब वस्तु राखिएको छ, जुन सानो ताजजस्तो देखिन्छ। यो धेरै अजीब छ ।’

उनले अगाडि भने, ‘मलाई तलको एंगलबाट फोटो खिच्न कहिल्यै मन पर्दैन । यो तस्वीर धेरै खराब छ र यो कुरा भन्न जरुरी छ ताकि उनीहरूले थाहा पाऊन् कि उनीहरूले के गरिरहेका छन् ।’

तस्वीरमा के छ ?

टाइम पत्रिकाको कभरमा राष्ट्रपति ट्रम्प आत्मविश्वासका साथ अगाडि हेरिरहेका देखिन्छन् र शीर्षक छ- उनको विजय । यो स्टोरी एरिक कोर्टलेसाले लेखेका हुन् । यसमा मध्यपूर्वमा ट्रम्पको जित देखाइएको छ ।

टाइमले लेखेको छ :

यसअघि पनि ट्रम्प टाइम पत्रिकासँग रिसाएका थिए । सन् २०१३ मा जब पोप फ्रान्सिस टाइम पत्रिकाको कभरमा आउँदा ट्रम्प रिसाएका थिए। उनले भनेका थिए, ‘यो पत्रिका मजाक हो र खराब स्टन्ट गर्छ ।’

ट्रम्पले टाइम पनि न्यूजविक जस्तै बन्द हुने भविष्यवाणी गरेका थिए । तर सन् २०१६ मा उनी वर्षव्यक्ति बनेपछि भने उनले खुसी व्यक्त गर्दै भनेका थिए,’यो मेरो लागि सम्मान हो। म टाइम पत्रिका पढ्दै हुर्केको हुँ, यो निकै महत्वपूर्ण पत्रिका हो ।’

ट्रम्प ४७ पटक टाइम पत्रिकाको कभरमा देखिइसकेका छन्। आफ्नो तस्वीर देखेर यसअघि पनि उनी रिसाएका थिए ।