नीति शाहसँग काठमाडौंमा देखिए साउथ स्टार राजीव पिल्लई

News Summary

Generated by OK AI. Editorially reviewed.

दक्षिण भारतीय अभिनेता राजीव पिल्लईसँग नेपाली कलाकार राजेश हमाल र नीति शाहले एक म्युजिक भिडियोमा अभिनय गरेका छन्।
म्युजिक भिडियोको आधा भाग काठमाडौंमा छायांकन गरिएको छ र बाँकी छायांकन हुन बाँकी छ।
नीतिले भनिन्, "यो गीत इन्डो-नेपाल फ्रेन्डसिपबारे बनेको हो" र उनले पिल्लईको साथीको भूमिकामा अभिनय गरेकी छिन्।

काठमाडौं । दक्षिण भारतीय अभिनेता राजीव पिल्लईसँग नेपाली कलाकार राजेश हमाल र नीति शाहले एक म्युजिक भिडियोमा अभिनय गरेका छन् ।

नेपाल-भारतबीचको मैत्रीपूर्ण सम्बन्धमाथि आधारित उक्त सांगीतिक भिडियोको आधा भाग हालै काठमाडौंमा खिचिएको छ ।

मलायलम भाषाका सुपरस्टार पिल्लईले इन्स्टाग्राममार्फत काठमाडौं छायांकनबारे जानकारी दिएका छन् । वसन्तपुर दरबार स्क्वायर क्षेत्रमा उनलाई नीतिसँग हिँडेको देख्न सकिन्छ ।

‘खासमा यो भिडियोमा राजेश हमाल र पिल्लईले अभिनय गर्नुभएको छ । मैले पिल्लईको साथीको भूमिकामा अभिनय गरेकी छु’ नीतिले अनलाइनखबरसँग भनिन् ।

भिडियोको आधा भाग छायांकन हुन बाँकी रहेको जानकारी उनले दिइन् । ‘यो गीत इन्डो-नेपाल फ्रेन्डसिपबारे बनेको हो’ उनले भनिन् ।