केन्टुकीमा कार्गो विमान दुर्घटना हुँदा मृत्यु हुनेको संख्या ७ पुग्यो

News Summary

Generated by OK AI. Editorially reviewed.

अमेरिकाको केन्टुकीमा यूपीएस कार्गो विमान दुर्घटना हुँदा मृत्यु हुनेको संख्या सात पुगेको छ।
लुइविल विमानस्थलबाट उडान भर्नेक्रममा विमानमा आगलागी भई कम्तीमा ११ जना घाइते भएका छन्।
विमानमा झण्डै ३८ हजार ग्यालेन इन्धन भरिएको र आगलागीले नजिकैको कारोबारी प्रतिष्ठान समेत चपेटामा परेको छ।

१९ कात्तिक, काठमाडौं । अमेरिकाको केन्टुकीमा कार्गो विमान दुर्घटना हुँदा मृत्यु हुनेको संख्या सात पुगेको छ ।

केन्टुकीका गभर्नर एन्डी बेशियरले दिएको जानकारी अनुसार लुइविल विमानस्थलबाट उडान भर्नेक्रममा यूपीएस कार्गो विमानमा आगलागी भएको थियो ।

यसअघि विमान दुर्घटनामा तीन जनाको मात्र मृत्यु भएको बताइएको थियो । घाइतेहरूको अवस्था गम्भीर रहेकाले मृतकको संख्या बढ्न सक्ने आशंका गरिएको छ ।

घटनामा कम्तीमा ११ जना घाइते भएका छन् । अधिकारीहरूका अनुसार विमान सवार रहेकाहरूलाई गम्भीर चोट लागेको देखिएको छ ।

विमानमा झण्डै ३८ हजार ग्यालेन इन्धन भरिएको थियो । जस कारण पनि भयानक विस्फोट हुन पुग्यो । आगलागीले नजिकैको एक कारोबारी प्रतिष्ठान समेत चपेटमा परेको थियो ।